24-nji ýanwarda Balkanabat şäherinde Balkan welaýat Polisiýa müdirliginiň düzümleriniň işgärleri üçin her biri 32 hojalyga niýetlenen 4 gatly täze ýaşaýyş jaýlaryň ikisi ulanylmaga berildi.
Açylyş dabarasyna Halk Maslahatynyň agzalary, Türkmenistanyň Mejlisiniň deputatlary, jemgyýetçilik guramalarynyň, ýaşuly nesliň wekilleri, welaýat Polisiýa müdirliginiň işgärleri, harby gullukçylar, talyp ýaşlar, ýerli ýaşaýjylar işjeň gatnaşdylar.
Ýokary hil ülňülerine laýyk gurlan bu ýaşaýyş jaýlary Türkmenistanyň Senagatçylar we telekeçiler birleşmesiniň agzasy «Alawly türkmen» hususy kärhanasynyň ussat gurluşykçylary bina etdiler. Dabaranyň dowamynda aýratyn tapawutlanan gurluşykçylara hormatly Prezidentimiziň adyndan gymmat bahaly sowgatlar gowşuryldy. Şeýle hem täze öýleriň eýelerine öýleriň açarlary dabaraly ýagdaýda gowşuryldy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА