Ýokary depginde dowam edýän gyşky transfer möwsüminiň häzirlikçe iň uly transferi amala aşdy. Fransiýanyň çägindäki ýaryşlarda kän bir kynçylyk çekmeýän PSŽ toparyna UEFA Çempionlar Ligasynda maksadyna ýetmek başardanok. Şol sebäpli birnäçe futbolçy transfer etmekden gaýra durmaýan parižliler ýene bir ýyldyz oýunçyny düzümine goşdy. “Napolide” özüni görkezen, 2023-nji ýylda gazanylan çempionlyga uly goşandyny goşan gruziýaly winger Hwiça Kwarasheliýa mundan soň karýerasyny “Ligue 1”-de dowam eder. PSŽ topary 23 ýaşyndaky Kwarasheliýa bilen 4,5 ýyllyk, ýagny 2029-njy ýylyň tomsuna çenli şertnama baglaşdy. PSŽ topary taryhyndaky ilkinji gruzin futbolçysy üçin “Napoli” klubuna 70 million ýewro hem-de goşmaça tölegler eder.

2022-nji ýylyň tomsunda 12 million ýewro “Dinamo Batumiden” transfer edilen Kwarasheliýa italýan klubunda 2,5 möwsümde 107 oýunda 30 gol geçirdi. 2022/23 möwsüminde “Serie A”-nyň çempionlygyny gazanan Kwarasheliýa “Napoli” we “Dinamo Batumiden” öň “Rubinde”, “Lokomotiw Moskwada”, “Rustawide” hem-de “Dinamo Tbiliside” oýnady.

Kwarasheliýa PSŽ-de 7-nji belgili köýnekçäni geýer.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА