Çempionlar ligasynyň kubogyny iň köp eýelän “Real Madrid” bu möwsümde çärýek finala-da çykyp bilmedi. “Mançester Sitiden” 1-nji oýunda öz meýdançasynda 2-1 asgyn gelen “Real Madrid” jogap duşuşygynda-da şol hasap bilen ýeňlişe sezewar boldy. Oýnuň 9-njy minutynda Rafael Waranyň gödek ýalňyşlygyndan peýdalanan Rahim Sterling ýer eýelerini öňe saýlady. 28-nji minutda Karim Benzema kelle urgusy bilen hasap deňlendi. Duşuşygyň 68-nji minutynda Rafael Waran ýene-de uly ýalňyşlyk goýberdi. Bu ýalňyşlykdan ýerlikli peýdalanan “Mançester Siti” toparynyň brazil hüjümçisi Gabriel Žesus “Sitini” öňe çykardy. Duşuşykda “Real Madridiň” esasy ýyldyzy, kapitany Serhio Ramos jerimesi sebäpli meýdança çykmady. Şeýlelikde “Mançester Siti” 15-nji awgustda oýnaljak çärýek finalda “Lion” bilen duşuşar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА