Aras­sa­çy­lyk se­riş­de­si ha­sap­lan­ýan çyg­ly sü­pür­giç soň­ky ýyl­lar­da dur­mu­şy­my­zyň aý­ryl­maz bö­le­gi­ne öw­rül­di. Eý­sem, eli­mi­zi, köw­şü­mi­zi, okuw es­bap­la­ry­my­zy, sto­luň we otur­gy­jyň üs­tü­ni aras­sa­la­mak üçin giň­den ula­nyl­ýan çyg­ly sü­pür­giç ha­çan oý­la­nyp ta­pyl­dy­ka?!

Çyg­ly sü­pür­giç bir ge­zek­lik ula­nyl­ýan aras­sa­çy­lyk se­riş­de­si bo­lup, dür­li ys­ly we zy­ýan­syz­lan­dy­ry­jy gör­nüş­le­ri bar. Ki­çi­jik ma­ta bö­le­jik­le­ri ulan­mak üçin oňaý­ly bo­lup, öý aras­sa­çy­ly­gyn­da, luk­man­çy­lyk hyz­mat­la­ryn­da we ofis iş­le­rin­de giň­den peý­da­la­nyl­ýar.

Ta­ry­hy
Ame­ri­ka­ly kos­me­to­log Ar­tur Ju­li­us çyg­ly sü­pür­gi­ji oý­lap ta­py­jy ha­sap­lan­ýar. Ol tä­ze gör­nüş­dä­ki aras­sa­çy­lyk se­riş­de­si­ni oý­lap tap­mak üçin bir­nä­çe sy­na­ny­şyk ed­ýär. 1957-nji ýyl­da Nýu-Ýork­da­ky öýün­de güý­me­nip ýör­kä, tö­tän­lik­de aras­sa­laý­jy er­gi­niň üs­tü­ne ma­ta bö­le­gi­ni ga­çyr­ýar. Bir-iki sa­gat ge­çen­den soň, häl­ki ma­ta bö­le­gi­ni göz­le­ýär we er­gi­niň içi­ne ga­çan­dy­gy­ny gör­ýär. Ju­li­us mu­nuň tä­ze oý­lap ta­pyş bol­jak­dy­gy­na ynan­ýar we 1960-njy ýyl­da Çi­ka­go­da ge­çi­ri­len mil­li res­to­ran ser­gi­si­ne çyg­ly sü­pür­gi­ji­ni ge­tir­ýär. Şon­dan soň­ra aras­sa­çy­lyk işi­ni ýe­ňil­leş­dir­ýän er­gin­li ma­ta bö­le­gi­ köp­çü­likleýin ula­nylyp baş­lan­ýar.

Ça­ga sü­pür­giç­le­ri
1950-nji ýyl­lar­da maş­ga­la sy­ýa­hat­la­ry kö­pe­lip ug­ran­soň, ça­ga­ly ýo­lag­çy­lar, esa­san hem, bä­bek­li maş­gala­lar üçin ýol­da ula­nyl­ýan aras­sa­çy­lyk se­riş­de­si­ne ze­rur­lyk duý­lup baş­lan­ýar. Ne­ti­je­de, ça­ga­la­ra ni­ýet­le­nen, bak­te­ri­ýa­la­ra gar­şy aras­sa­çy­lyk ka­gy­zy peý­da bol­ýar. Ça­ga sü­pür­giç­le­ri­ni il­kin­ji bo­lup «Nice-Pak» kom­pa­ni­ýa­sy ön­dü­rip baş­la­ýar. Ça­ga­la­ryň duý­gur we nä­zik de­ri­si­ne ni­ýet­le­nen çyg­ly sü­pür­giç­ler 1983-nji ýyl­da «ça­ga sü­pür­giç­le­ri» mar­ka­sy bi­len köp­çü­lik­le­ýin sa­tu­wa çy­ka­ryl­ýar. 1990-njy ýyl­lar­da çyg­ly sü­pür­giç­den nus­ga al­nan «Hug­gi­es», «Procter & Gamb­le’s Pam­pers» ça­ga ar­lyk­la­ry­nyň (pam­pers) il­kin­ji sa­tu­wy baş­lan­ýar. Şol dö­wür­den soň hal­kyň için­de ýör­gün­li bo­lan çyg­ly sü­pür­giç­ler we bir ge­zek­lik ula­nyl­ýan ça­ga ar­lyk­la­ry ýö­ri­te pu­da­ga öw­rül­ýär. Şeý­le­lik bi­len, bu ugur­dan iş alyp barýan bir­nä­çe kom­pa­ni­ýa­lar peý­da bol­ýar. Hä­zir­ki wagt­da çyg­ly sü­pür­gi­jiň bä­bek­le­re ni­ýet­le­nen zy­ýan­syz ha­sap­lan­ýan ECO gör­nüş­le­ri hem ön­dü­ril­ýär.
Çyg­ly sü­pür­giç­le­riň 90 gö­te­ri­mi po­li­es­ter­den ýa-da po­lip­ro­pi­len­den (sin­te­tik ma­ta) ön­dü­ril­ýär. Çyg­ly sü­pür­gi­jiň hi­li­ne bag­ly­lyk­da suw we zy­ýan­syz­lan­dy­ry­jy spirt ula­nyl­ýar. Şeý­le hem dür­li ys be­ri­ji­ler bi­len baý­laş­dy­ryl­ýar. Çyg­lan­dy­ry­lan ki­çi­jik ma­ta bö­le­jik­le­ri dür­li ulu­lyk­da­ky gap­la­ra (maş­ga­la üçin ni­ýet­le­nen, jü­bä syg­ýan ki­çi­jik gör­nü­şi) ýer­leş­di­ril­ýär. Ju­liu­syň res­to­ran hyz­mat­la­ry üçin oý­lap ta­pan çyg­ly sü­pür­gi­ji hä­zir­ki wagt­da dür­li mak­sat­lar bi­len ula­nyl­ýar. Ça­ga­lar­ we ulu­la­r üçin ni­ýet­le­nen dür­li gör­nüş­li çyg­ly sü­pür­giç­ler eşik­dä­ki teg­mil­le­ri, ýag ga­lyn­dy­la­ry­ny, zy­ýan­ly ha­pa­la­ry aňsatlyk bi­len aýyr­ma­ga ýar­dam ed­ýär.

Gyzykly bolup bilerЕЩЕ ОТ АВТОРА