Futboluň şasy Peläniň ejesi Seleste Arantes Braziliýanyň Santos şäherinde sekiz gün keselhana ýerleşdirilenden soň aradan çykdy. Bu barada G1 portaly habar berdi.
“Futboluň şasy Peläniň ejesi Seleste Arantes 21-nji iýunda 101 ýaşynda San-Paulunyň kenaryndaky Santusda aradan çykdy” diýlip, neşiriň web saýtyndaky beýanatda aýdylýar.
Ady rowaýata öwrülen futbolçy, 2022-nji ýylda 82 ýaşynda aradan çykmazdan öň, ejesini 100 ýaşy bilen gutlapdy. Ýerli habar beriş serişdeleriniň maglumatlaryna görä, Selesta ömrüniň soňky ýyllaryny düşekde geçiripdir.
Hakyky ady Edson Arantis du Nasimentu bolan Pele, XX asyryň iň gowy futbolçysy we türgeni hökmünde birnäçe gezek ykrar edildi. Ol şu wagta çenli futbolçy hökmünde üç dünýä çempionatynda ýeňiji bolan ýeke-täk oýunçydyr.
