“F” toparçada Portugaliýa 3-nji duşuşygynda Gruziýadan 2-0 asgyn geldi. Duşuşykda meýdança çykan Kristiano Ronaldo uly ýaryşlarda (Dünýä Kubogy, Ýewropa çempionaty) 50 oýun geçiren ilkinji ýewropaly futbolçy boldy. Kwarasheliýanyň 94-nji sekuntda geçiren goly çempionatyň taryhyndaky iň çalt 5-nji gol hökmünde hasaba alyndy. Gruzinleriň 2-nji goluny geçiren Mikautadze häzirki wagtda 3 gol bilen çempionatyň iň netijeli futbolçylarynyň sanawynda birinji orunda barýar. Gruziýanyň ýygyndysy utulan-çykdy tapgyrlarynda oýnamaga hukuk gazanan 29-njy milli topar boldy. 2-nji duşuşykda Gruziýa bilen 1-1 deňme-deň oýnan çehler 3-nji duşuşygynda Türkiýäniň ýygyndysyndan 2-1 hasabynda utuldy (Çalhanoglu 51, Jenk Tosun 90+4 – Souçek 66). Duşuşygyň 20-nji minutynda gyzyl kart alan Antonin Barak çempionatyň taryhynda iň çalt gyzyl kart alan futbolçy boldy. Ol bu ugurda 24-nji minutda gyzyl alan fransiýaly Erik Abidaldan öňe geçdi (Italiýa – Fransiýa, 2008). Duşuşykda emin 20 kart çykaryp (2-si gyzyl), oýun çempionatyň taryhyndaky iň köp kart görkezilen duşuşyk boldy.
