Germaniýanyň çempionaty “Bundesligada” “Baýere” geçen möwsümdäki ýaly ýeňiş gazanmak ýeňil düşenok. Çabi Alonsonyň şägirtleri geçen möwsümde soňky minutlarda bolsa-da, ýeňiş gazanmagy başarýardy. Topar 15-den köp duşuşykda soňky minutlarda geçiren gollary esasynda ýeňiş gazanypdy ýa-da ýeňlişden halas bolupdy. Ýöne bu möwsümde bu ýagdaýyň tersi dowam edýär. Myhmançylykda “Bohum” bilen duşuşan “Baýer” 18-nji minutda Patrik Şikiň goly bilen öňe geçdi. Ýöne lewerkuzenliler duşuşygyň 89-njy minutynda ýeňşi elden giderdi. Şu möwsümde ýeňiş gazanyp görmedik “Bohum” toparynyň adyndan hasaby deňlän goly Miýoşi geçirdi. “Baýer” topary şu möwsümde eýýäm 3-nji gezek soňky minutlarda gol geçirdip, ýeňşi elden giderdi. Bu deňlik lewerkuzenlileriň çempionatyň çäginde soňky 6 duşuşykdaky 5-nji deňme-deňligidir.
Myhmançylykda ýene bir ýeňliş
Sanawyň lideri “Bawariýa” bolsa Jamal Musialanyň ajaýyp goly bilen “Sankt-Paulini” 1-0 hasabynda utdy. Şu möwsümde öz meýdançasynda ýeke utuk hem ýitirmän gelýän “Borussiýa Dortmundyň” myhmançylykdaky şowsuzlygy dowam edýär. “Maýnsdan” 3-1 hasabynda asgyn gelen “Borussiýa Dortmund” myhmançylykda bassyr 4-nji duşuşygynda ýeňildi. 2-nji ýerdäki “Leipsig” hem öz meýdançasynda “Borussiýa M” bilen golsuz deňme-deň oýnady.
Union Berlin – Fraýburg: 0-0,
Werder – Holştaýn: 2-1 (Stage 36, Berk 90 – Harres 48),
Maýns – Borussiýa D: 3-1 (Li Je Son 36, Burkardt 45+3, Nebel 54 – Girassi 40 p),
Bohum – Baýer: 1-1 (Miýosi 89 – Şik 18),
Sankt-Pauli – Bawariýa: 0-1 (Musiala 22),
Leipsig – Borussiýa M: 0-0,
Augsburg – Hoffenhaým: 0-0,
Ştutgart – Aýntraht: 2-3 (Wagnoman 86, Woltemade 90 – Ekitike 45, Braun 56, Marmuş 62),
Haýdenhaým – Wolfsburg: 1-3 (Piringer 64 – Gerhardt 3, Dardai 42, Tomaş 90)
