PDF
Dünýä Kubogynda 1/16 finalyň çäginde Şweýsariýa bilen Alžiriň ýygyndylary duşuşdy. Duşuşykda şweýsarlar 2-0 hasabynda ýeňiş gazandy. Gollary 10-njy minutda Bril Embolo bilen 46-njy minutda Dan Ndoýe geçirdi. Şeýlelikde, Şweýsariýanyň ýygyndysy bassyr 4-nji, umumylykda-da 9-njy gezek 1/8 finala adyny ýazdyrdy.
Şol bir wagtyň özünde bu Şweýsariýanyň 1938-nji ýyldan bäri, ýagny 88 ýyldan soň pleý-off tapgyrlaryndaky ilkinji ýeňşi diýlip hasaba alyndy. Mundan öň 1938-nji ýylda 1/8 finalda Germaniýa bilen duşuşyp, 1-nji duşuşyk deňlikde tamamlanypdy. Şol döwürki düzgünlere laýyklykda duşuşyk gaýtadan oýnalypdy we Şweýsariýa bu gezek 4-2 hasabynda ýeňip, çärýek finala çykypdy.
Şweýsariýanyň ýygyndysy 1/8 finalda Kolumbiýanyň ýa-da Gananyň ýygyndysy bilen duşuşar.
