Dün­ýä­niň 7 sa­ny wok­za­ly hem-de met­ro stan­si­ýa­sy «Prix Ver­sa­il­les» baý­rak­la­ry­na my­na­syp bol­dy. Bu baý­rak­lar 2015-nji ýyl­dan bä­ri ÝU­NES­KO ta­ra­pyn­dan dür­li ugur­lar­da­ky bi­na­gär­lik des­ga­la­ry­na be­ril­ýär. Ýe­ňi­ji­le­re baý­rak gow­şur­mak da­ba­ra­sy hal­ka­ra gu­ra­ma­nyň Pa­riž­dä­ki mer­ke­zin­de ge­çi­ril­di. Baý­rak ber­len­de, bi­na­gär­lik di­zaý­ny, tä­ze­çil­lik, şä­he­riň bi­na­gär­lik aý­ra­tyn­lyk­la­ry bi­len saz­la­şyk, ýo­lag­çy­la­ra hö­dür­len­ýän ýe­ňil­lik we daş­ky gur­şaw ýa­ly ugur­la­ra ba­ha ber­lip­dir.
Hal­ka­ra emin ag­za­la­ry ta­ra­pyn­dan saýla­nan wok­zal­la­ryň äh­li­si de­ň de­re­je­dä­ki baý­rak bi­len sy­lag­lan­ýar. Bu wok­zal­la­ryň üçü­si­ne de­kabr aýyn­da ge­çi­ril­jek da­ba­ra­da aý­ra­tyn­lyk­da dür­li ugur­lar­da baý­rak­lar gow­şu­ry­lar.
Sanaw­da­ky ün­si özü­ne çek­ýän ýer­le­riň bi­ri Ita­li­ýa­nyň Na­po­li şä­he­rin­dä­ki Mon­te Sant’An­ge­lo met­ro be­ke­di­dir. Ge­çen ýyl açy­lan stan­si­ýa­nyň tas­la­ma­sy­ny meş­hur bi­na­gär Aniş Ka­pur taý­ýar­lap­dyr. Tas­la­ma taý­ýar­la­nan­da, ital­ýan ýa­zy­jy­sy Dan­te Aleg­ýe­ri­niň ese­rin­den yl­ham al­nyp­dyr. Ýe­riň 48 metr as­tyn­da­ky be­ke­diň go­ýy reňk­li di­war­la­ry we ada­ty bol­ma­dyk şe­ki­li We­zu­wiz wul­ka­ny­ny, go­wa­gy we an­tik Kum si­wil­la­sy ro­wa­ýa­ty­ny ýa­da sal­ýar.
Ita­li­ýa­nyň paý­tag­ty Rim­dä­ki Ko­li­zeý met­ro be­ke­di ta­ry­hy äheň­däki be­zegi bilen sanawa giripdir. Ýe­ras­ty be­ke­diň ýö­ri­te açyk goý­lan ýe­rin­den ta­ry­hy Ko­li­zeý are­na­sy gö­rün­ýär.
Sa­ud Ara­bys­ta­ny Pa­ty­şa­ly­gy­nyň Er-Ri­ýad şä­he­rin­den iki be­ket sa­na­wa gi­rip­dir. Şä­he­riň Gün­ba­tar wok­za­ly ýur­duň çöl­lük te­bi­ga­ty bi­len saz­la­şyk­ly edi­lip gur­lup­dyr. Bi­na­nyň alaň­la­ry ýa­da sal­ýan giň üçe­gi hem-de owa­dan sa­ýa­wan­la­ry bar.
Sa­na­wa giren Awst­ra­li­ýa­nyň Mel­burn şä­he­rin­dä­ki «Town Hall Sta­ti­on» be­ke­di ýe­riň as­tyn­da­ky gi­ň we ka­şaň ýo­lag­çy za­ly bi­len ta­pa­wut­lan­ýar.
Fran­si­ýa­nyň Li­on şä­he­rin­dä­ki Par-Dýo wok­za­ly hem dün­ýä­niň iň owa­dan be­ket­le­ri­niň sa­na­wy­na gi­ri­zi­lip­dir. Ýew­ro­pa­nyň iň köp adam­ly wok­zal­la­ry­nyň bi­ri bo­lan Par-Dýonyň meý­da­ny art­ýan ýo­lag­çy­la­ryň is­le­gi­ni ka­na­gat­lan­dyr­mak üçin iki es­se gi­ňel­di­lip­dir.
Sa­na­wdaky ABŞ-nyň Los-An­je­les şä­he­rin­dä­ki «LAX/Met­ro Tran­sit Cen­ter» be­ke­di­niň heý­ke­li ýa­da sal­ýan üçe­gi ho­wa aky­my­ny ge­çi­rip, bi­na­nyň içi­ni sal­kyn sak­la­ma­ga ýar­dam ed­ýär. Üçek­de ýer­leş­di­ri­len Gün pa­nel­le­ri bol­sa, sarp edil­ýän elekt­rik ener­gi­ýa­sy­nyň ýa­ry­sy­ny üp­jün ed­ýär.

Arzuw Saparow,
Türkmen döwlet maliýe institutynyň talyby.

Gyzykly bolup bilerЕЩЕ ОТ АВТОРА