UEFA Çempionlar ligasynda 2 çärýek finalçy belli boldy. “Ýuwentus” öz meýdançasynda “Liony” kabul etdi. Çekeleşikli geçen oýun 2-1 hasabynda italýan toparynyň peýdasyna tamamlandy. Oýnuň 12-nji minutynda Memfis Depaý penaltiden hasaby açdy. Bu goldan soň “Ýuwentus” hüjümlerini hasam ýygjamlaşdyrdy. 43-nji minutda Ronaldo penaltiden hasaby deňledi. Oýnuň 60-njy minutynda bolsa, super ýyldyz uzakdan owadan urgy bilen hasaby 2-1e ýetirdi. Şondan soň, italýan toparynyň tagallalary netije bermedi. Netijede, “Ýuwentus” 2-1 hasabynda ýeňiş gazanan hem bolsa olara çärýek finala çykmak başartmady. “Lion” myhmançylykda geçiren golunyň artykmaçlygy bilen çärýek finala adyny ýazdyrdy.
