Ýewropanyň käbir çempionatlarynda tamamlanan tapgyrda käbir derbiler oýnaldy. Şolaryň birinde “Beşiktaş” öz meýdançasynda “Galatasaraýy” 2-0 ýeňdi. Soňky 12 minutda öňe saýlanan “Beşiktaşyň” gollaryny Souza bilen Nkudu derwezä girizdi. Bu ýeňişden soň sanawyň lideri “Beşiktaş” utugyny 38-e ýetirip, “Galatasaraýdan” 5 utuk öňe saýlandy.
Niderlandlaryň çempionatynda-da öňdäki orunlary kesgitleýän “Aýaks”–“Feýenoord” duşuşygynda ýer eýeleri Grawenbergiň 22-nji minutdaky ýeke-täk goly bilen 1-0 hasabynda ýeňiş gazandy.
Portugaliýada hem “Porto” bilen “Benfika” duşuşdy. Oýun 1-1 (Marega 25 – Grimaldo 17) deňlikde tamamlandy.
