Az salym öň UEFA Çempionlar ligasynda çärýekdir ýarym finalyň bijeleri çekildi. Bijä laýyklykda, çärýek finalda janköýerlere biri-birinden gyzykly duşuşyklar garaşýar. Esasan hem geçen möwsümiň çempiony “Bawariýa” bilen finalçy PSŽ-niň arasyndaky boljak 2 duşuşyk hem eýýämden köpleriň üns merkezinde. 2019-njy ýylyň çempiony “Liwerpul” hem ýarym çärýek finalda kubogy iň köp eýelän “Real Madrid” bilen duşuşar. “Mançester Siti” bilen “Borussiýa Dortmund” hem-de “Porto” bilenem “Çelsi” çärýek finalyň beýleki oýunlaryny oýnarlar.
Ýarym finalda-da “Bawariýa”-PSŽ duşuşygynyň ýeňijisi bilen “Mançester Siti”-“Borussiýa Dortmund” duşuşygynyň ýeňijisi, şeýle-de “Real Madrid”-“Liwerpul” duşuşygynyň ýeňijisi bilenem “Porto”-“Çelsi” duşuşygynyň ýeňijisi finala çykmak ugrunda özara güýç synanyşarlar.
Çempionlar ligasynda çärýek finalyň duşuşyklary 6-7-nji hem-de 13-14-nji aprelde oýnalar. Ýarym final bolsa, 27-28-nji aprelde hem-de 4-5-nji maýda geçiriler. Final duşuşygy 29-njy maýda Stambulda oýnalar.
Çärýek final
Mançester Siti – Borussiýa Dortmund
Porto – Çelsi
Bawariýa – PSŽ
Real Madrid – Liwerpul
Ýarym final
Bawariýa/PSŽ – Mançester Siti/Borussiýa Dortmund
Real Madrid/Liwerpul – Porto/Çelsi
