«Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» ýy­lyn­da toý­lar go­şa-go­şa­dan gel­ýär. Çün­ki bu ýyl ýur­du­myz­da şan­ly Ga­raş­syz­ly­gy­my­zyň 30 ýyl­ly­gy hem-de Aş­ga­bat şä­he­ri­niň 140 ýyl­lyk to­ýy toý­lan­ýar. Şeý­le hem bu ýek­şen­be­de Türk­men be­de­wi­niň mil­li baý­ra­my il­kin­ji ge­zek Türk­men ala­ba­ýy­nyň baý­ra­my bi­len bi­le­lik­de bel­le­ni­ler. Go­şa baý­ram­çy­lyk my­na­sy­bet­li da­ba­ra­lar üs­tü­miz­dä­ki hep­dä­niň do­wa­myn­da ýur­du­my­zyň äh­li ýe­rin­de ýaý­baň­lan­dy­ryl­ýar.

«Ýy­lyň iň owa­dan ahal­te­ke be­de­wi» we «Ýy­lyň türk­men eder­men ala­ba­ýy» at­ly hal­ka­ra bäs­le­şik­le­ri, ahal­te­ke be­dew­le­ri­niň gö­zel­li­gi­ni hem-de türk­men ala­baý­la­ry­nyň keş­bi­ni şe­kil­len­di­riş we ama­ly-ha­şam sun­ga­ty­nyň eser­le­rin­de çe­per be­ýan et­mek bo­ýun­ça bäs­le­şi­gi ýa­ly baý­ram­çy­lyk çä­re­le­ri bu baý­ram­çy­ly­gyň da­ba­ra­sy­ny has-da be­len­de gal­dyr­ýar.

Bäs­le­şi­giň jem­leý­ji tap­gy­ry ge­çi­ril­di
19-njy ap­rel­de Türk­me­nis­ta­nyň Döw­let çe­per­çi­lik aka­de­mi­ýa­sy­nyň ser­gi za­lyn­da Türk­men be­de­wi­niň mil­li baý­ra­my we Türk­men ala­ba­ýy­nyň baý­ra­my my­na­sy­bet­li su­rat­keş­le­riň, heý­kel­ta­raş­la­ryň, ha­ly­çy­la­ryň, zer­gär­le­riň, fo­to­su­rat­çy­la­ryň, ne­şir­ýat iş­gär­le­ri­niň, di­zaý­ner­le­riň, te­leo­pe­ra­tor­la­ryň ara­syn­da ahal­te­ke be­de­wi­niň, türk­men ala­ba­ýy­nyň gö­zel­li­gi­ni şe­kil­len­di­riş we ama­ly-ha­şam sun­ga­ty­nyň eser­le­rin­de, ne­şir önüm­le­rin­de, fo­to­su­rat­lar­da, te­le­ýaý­lym­lar­da çe­per be­ýan et­mek bo­ýun­ça yg­lan edi­len bäs­le­şi­giň jem­leý­ji tap­gy­ry ge­çi­ri­lip, oňa hö­dür­le­nen iş­le­riň ser­gi­si ýaý­baň­lan­dy­ryl­dy.
Ser­gi­de dür­li žanr­da­ky iş­le­riň ýüz­ler­çe­si ýer­leş­di­ri­lip, olar­da be­dew­ler, ala­baý­lar dür­li gör­nüş­de şe­kil­len­di­ri­lip­dir. Ola­ryň şe­kil­le­ri te­bi­ga­tyň aja­ýyp gö­zel­li­gi­niň, at ça­py­şyk­la­ry­nyň tol­gun­dy­ry­jy pur­sat­la­ry­nyň, oba dur­mu­şy­nyň, mil­li däp-des­sur­la­ryň ber­jaý edi­li­şi­niň, baý­ram­çy­lyk da­ba­ra­la­ry­nyň üs­ti bi­len su­rat­lan­dy­ry­lyp­dyr. Däp bol­şy ýa­ly, her ýyl dö­re­di­ji­lik bäs­le­şi­gi­ne me­de­ni­ýet top­lu­my­nyň köp san­ly we­kil­le­ri gat­naş­ýar. Ýel­den ýüw­rük be­dew­ler, yn­sa­nyň we­pa­ly dos­ty bo­lan ala­baý­lar ser­gi­niň esa­sy gah­ry­man­la­ry­dyr.

Tej­ri­bä­niň gör­ke­zi­şi ýa­ly, ga­nat­ly be­dew­le­riň, gu­jur­ly, syz­gyr, we­pa­ly ala­baý­la­ryň keşp­le­ri­ni çe­per­çi­lik taý­dan be­ýan et­mek bo­ýun­ça ge­çi­ril­ýän bäs­le­şik sun­ga­tyň dür­li ugur­la­ry­nyň us­sat­la­ry­nyň iş­jeňli­gi­ni we müm­kin­çi­li­gi­ni açyp gör­kez­mä­ge ýar­dam ber­ýär. Aja­ýyp ha­ly­lar, tä­sin şaý-sep­ler, ke­ra­mi­ka önüm­le­ri ser­gä öz­bo­luş­ly toý öwüş­gi­ni­ni çaý­ýar. Ser­gi­de gör­ke­zil­ýän eser­ler at­la­ryň, ala­baý­la­ryň keş­bi­ni açyp gör­kez­mek bi­len, hal­ky­my­zyň mil­li gym­mat­lyk­la­ry­my­za bo­lan çuňňur söý­gü­si­ni hem-de hor­mat-sar­pa­sy­ny be­ýan et­mek, ýur­du­my­zyň me­de­ni­ýe­ti we ta­ry­hy bi­len ýa­kyn­dan ta­nyş­mak üçin hem aja­ýyp müm­kin­çi­lik­dir.
Be­hiş­di be­dew­le­riň, şeý­le-de ala­baý­la­ryň gö­zel­li­gi­ni wasp et­mek bo­ýun­ça ge­çi­ril­ýän bäs­le­şi­giň ýeňi­ji­le­ri Türk­men be­de­wi­niň mil­li baý­ra­my we Türk­men ala­ba­ýy­nyň baý­ra­my my­na­sy­bet­li ge­çi­ril­jek da­ba­ra­la­ryň bar­şyn­da yg­lan edi­ler.

«Ýy­lyň iň owa­dan ahal­te­ke be­de­wi» bäs­le­şi­gi­niň ikin­ji tap­gy­ry
20-nji ap­rel­de Aş­ga­bat at­çy­lyk sport top­lu­my­nyň açyk ma­ne­žin­de Türk­men be­de­wi­niň mil­li baý­ra­my my­na­sy­bet­li ahal­te­ke at­la­ry­nyň ara­syn­da ge­çi­ril­ýän hal­ka­ra gö­zel­lik bäs­le­şi­gi­niň ikin­ji tap­gy­ry ge­çi­ril­di. 2009-njy ýyl­dan bä­ri ge­çi­ril­ýän bu bäs­le­şi­giň bi­rin­ji tap­gy­ry­na ga­myş­gu­lak be­dew­le­riň 50-si gat­naş­dy. Şo­la­ryň için­den owa­dan­ly­gy bi­len saý­la­nan at­la­ryň 20-si­ni ikin­ji tap­gy­ra gat­naş­dyr­ma­ga hu­kuk be­ril­di. Hal­ka­ra gö­zel­lik bäs­le­şi­gi­niň ikin­ji tap­gy­ry­na gat­na­şan at­lar Gel­şik­li­niň, Gyr­sa­ka­ryň, Gap­laňyň, Pe­reňiň, Ska­gyň, Me­le­gu­şuň, Eýe­ber­di Te­le­kä­niň ug­run­dan bo­lan be­dew­ler­dir. Bu tap­gyr­da at­lar iki ge­zek gö­zel­lik meý­dan­ça­sy­na çyk­dy­lar. Olar il­kin­ji ge­zek­de asyl dur­kun­da meý­dan­ça çy­kyp, öz te­bi­gy owa­dan­lyk­la­ry­ny gör­kez­di­ler. Ikin­ji ge­zek­de bol­sa owa­dan ha­şam­la­nan at es­bap­la­ry­na hem-de ýö­ri­te ni­ýet­le­nen mil­li şaý-sep­le­re bes­le­nip, gö­zel­lik meý­dan­ça­sy­na gel­di­ler.
Da­ba­ra­sy dün­ýä do­lan ahal­te­ke at­la­ry­nyň şol gün­ki bäs­le­şi­gi­ne emin­lik eden­le­riň ara­syn­da bel­li at­şy­nas­lar hem bol­du­lar. Özü­niň gy­lyk-hä­si­ýe­ti, zy­ba­ly­gy, tä­sin he­re­ket­le­ri bi­len gar­şy­daş­la­ryn­dan ta­pa­wut­lan­ýan be­dew­le­ri ýa­kyn­dan syn­lap, göz­den ge­çi­ren emin­ler to­pa­ry bäs­le­şi­giň şert­le­ri­ne la­ýyk­lyk­da, ola­ryň 10-sy­ny saý­la­dy. Olar bu bäs­le­şi­giň jem­leý­ji – üçün­ji tap­gy­ry­na gat­na­şar.
«Ýy­lyň iň owa­dan ahal­te­ke be­de­wi» di­ýen bäs­le­şi­giň jem­leý­ji tap­gy­ry baý­ram­çy­ly­gyň öňü­sy­ra­syn­da ge­çi­ri­ler.

«Ýy­lyň türk­men eder­men ala­ba­ýy» at­ly hal­ka­ra bäs­le­şi­gi
Şol gün Ahal we­la­ýa­ty­nyň Ak bug­daý et­ra­byn­da­ky «Türk­men ala­baý it­le­ri» ho­ja­lyk jem­gy­ýe­tin­de «Ýy­lyň türk­men eder­men ala­ba­ýy» at­ly hal­ka­ra bäs­le­şi­giň ikin­ji tap­gy­ry ge­çi­ril­di. Oňa bäs­le­şi­giň bi­rin­ji tap­gy­ry­na gat­na­şan 70-den gow­rak ala­baý­dan öz gu­jur­dyr eder­men­li­gi bi­len ta­pa­wut­la­nan­la­ry­nyň 25-si gat­naş­dy.
Türk­men be­de­wi­niň mil­li baý­ra­my bi­len bir gün­de bel­le­nil­ýän Türk­men ala­ba­ýy­nyň baý­ra­my my­na­sy­bet­li ge­çi­ri­len bäs­le­şi­giň no­bat­da­ky tap­gy­ry­na mi­nistr­lik­le­riň, har­by we hu­kuk go­raý­jy eda­ra­la­ryň, jem­gy­ýet­çi­lik gu­ra­ma­la­ry­nyň, köp­çü­lik­le­ýin ha­bar be­riş se­riş­de­le­ri­niň we­kil­le­ri hem-de ala­baý it­le­ri­niň köp san­ly jan­kö­ýer­le­ri gat­naş­dy­lar.
Hal­ka­ra «Türk­men ala­baý it­le­ri» as­so­sia­si­ýa­sy­na, Türk­me­nis­ta­nyň har­by we hu­kuk go­raý­jy eda­ra­la­ry­na, hu­su­sy it­şy­nas­la­ra de­giş­li bo­lan ala­baý­la­ryň çy­ky­şy ola­ryň bäs­le­şi­ge ýo­ka­ry de­re­je­de taý­ýar­la­ny­lan­dy­gy­ny gör­kez­di. Bäs­le­şik­de 0,5 metr­den 2,5 met­re çen­li bo­lan päs­gel­çi­lik­ler­den üs­tün­lik­li ge­çip, öz eýe­le­ri bi­len dil ta­pyş­ma­gy ba­şar­ýan ala­baý­la­ryň her bir he­re­ke­ti ola­ryň eder­men­li­gin­den, düş­bü­li­gin­den ha­bar ber­ýär.
«Ýy­lyň türk­men eder­men ala­ba­ýy» at­ly hal­ka­ra bäs­le­şi­giň ýe­ňi­ji­si Türk­men ala­ba­ýy­nyň baý­ra­my­nyň bel­le­nil­ýän gü­ni kes­git­le­ner.

Gyzykly bolup bilerЕЩЕ ОТ АВТОРА