Hä­zir­ki wagt­da köp­rü­ler dür­li mak­sat­lar bi­len gur­lup, ola­ryň kö­pü­si bi­na­gär­lik aý­ra­tyn­ly­gy bi­len ün­si özü­ne çek­ýär. Köprüleriň kä­bi­ri di­ňe ulag­la­ryň ýa-da py­ýa­da­la­ryň geç­me­gi üçin däl, ba­lyk tut­mak, üs­tün­dä­ki res­to­ran­lar­da na­har­lan­mak, şä­he­riň ýa-da te­bi­ga­tyň gö­zel­lik­le­ri­ne syn et­mek ýa­ly mak­sat­lar üçin hem peý­da­la­nyl­ýar. Şeý­le aja­ýyp köp­rü­le­ri­ň käbirini si­ziň dyk­ga­ty­ňy­za ýe­tir­ýä­ris:

«Wia­duk Mi­ýo» köp­rü­si: Gü­nor­ta Fran­si­ýa­nyň Mi­ýo şä­he­ri­niň go­la­ýyn­da­ky Tarn jül­ge­si­niň üs­tün­de gur­lan köp ara­lyk­ly as­ma köp­ri­niň tas­la­ma­sy­ny bel­li iň­lis bi­na­gä­ri Nor­man Fos­ter ýe­ri­ne ýe­ti­rip­dir. Ge­çen ýy­lyň sent­ýab­ry­na çen­li dün­ýä­niň iň be­ýik köp­rü­si re­kor­dy­na eýe bo­lan des­ga­nyň be­ýik­li­gi 336,4 met­re ýet­ýär. 394 mil­li­on ýew­ro sarp edi­len köp­ri üç ýy­lyň do­wa­myn­da gur­lup, 2004-nji ýy­l­da açyl­dy. Bu köp­ri hä­zir­ki döw­rüň iň uly in­že­ner­çi­lik üs­tün­lik­le­ri­niň bi­ri hök­mün­de gör­ke­zi­lýär.
«Mil­le­ni­um» köp­rü­si: Beýik Britaniýada Geýtshed we Nýu­kasl-apon-Taýn şä­her­le­ri­niň ara­syn­da­ky Taýn der­ýa­sy­nyň üs­tün­de gur­lan «Mil­le­ni­um» köp­rü­si­niň has tä­sin ta­ra­py bar. Iki uly ke­mer­den yba­rat bo­lan köp­ri we­lo­si­ped­çi­le­re we py­ýa­da­la­ra ni­ýet­le­nen­dir. Ma­hal-ma­hal der­ýa­dan uly gä­mi­ler ge­çe­nin­de köp­ri ýo­ka­ry gal­ýar. Ke­mer­le­riň bi­ri köp­ri hök­mün­de, beý­le­ki­si ol açy­lan wag­ty de­ňag­ram­ly­ly­gy sak­la­ma­ýar. Bu tä­sin ýag­da­ýy gör­mek üçin der­ýa­nyň iki ýa­ka­syn­da­ky şä­he­riň ýa­şaý­jy­la­ry we myh­man­la­ry ke­na­ra ýyg­nan­ýar.
«Hanç­žou» aýlag köp­rü­si: Hy­ta­ýyň Çžesz­ýan we­la­ýa­ty­nda­ky ady­bir aý­la­gyň iki ta­ra­pyn­da­ky Szýa­sin we Nin­bo şä­her­le­ri­ni bir­leş­dir­ýän köp­ri­niň gur­lu­şy­gy 2007-nji ýy­lda ta­mam­lan­dy. Bu köp­ri Nin­bo bi­len Şan­ha­ý şä­her­le­ri­niň ara­syn­da­ky aw­tou­lag ýo­lu­ny 400 km-dan 180 km-e çen­li, sy­ýa­hat wag­ty­ny 4 sa­gat­dan 2 sa­ga­da çen­li gys­galt­dy. Uzyn­ly­gy 35,673 km bo­lan Hanç­žou aý­lag köp­rü­si iň uzyn trans-um­man köp­ri ha­sap­lan­ýar.
«He­liks» köp­rü­si: Singapuryň Ma­ri­na aý­la­gyn­da­ky py­ýa­da­lar üçin ni­ýet­le­nen bu köp­ri 2010-njy ýy­lda açyl­dy. Awst­ra­li­ýa­ly we sin­ga­pur­ly ar­hi­tek­tor­lar ta­ra­pyn­dan taslamasy düzülen po­lat köp­ri­niň üs­ti aý­na bi­len ör­tü­lip­dir. Köp­rü­de gi­je­si­ne as­ma­na we Ma­ri­na aý­la­gy­na to­ma­şa et­mek üçin amat­ly ýer­de ýer­leş­ýän dört sa­ny syn ediş plat­for­ma­sy göz öňün­de tu­tu­lyp­dyr. Des­ga gi­je­si­ne dür­li reňk­li yşyk­lar bi­len ýag­ty­lan­dy­ryl­ýar.
«Ban­po» köp­rü­si: Ko­re­ýa­ Res­pub­li­ka­sy­nyň paý­tag­ty Seu­ldan akyp geç­ýän Han der­ýa­sy­nyň üs­tün­den So­ço we Ýon­san et­rap­la­ry­ny bir­leş­dir­ýän bu tä­sin des­ga Jam­su köp­rü­si­niň üs­tün­de, iki gat­ly köp­ri­niň ýo­kar­ky ýa­ry­sy­ny eme­le ge­ti­rip, ýurt­da gur­lan il­kin­ji iki gat­ly köp­rü­dir. Ýa­gyn­ly dö­wür­de der­ýa­nyň su­wy ýo­ka­ryk ga­lan­da köp­ri­niň aşa­ky bö­le­gi su­wuň için­de gal­ýar. Köp­ri­niň iň tä­sin aý­ra­tyn­ly­gy gy­ra­syn­da aşak­ly­gy­na ak­ýan çüw­dü­rim­ler bar. Şag­la­wu­gy ýa­dy­ňa sal­ýan bu çüw­dü­rim gi­je­si­ne 10 müň tö­we­re­gi LED çy­ra­lar bi­len ýag­ty­lan­dy­ryl­ýar. 1140 met­re uzap gid­ýän çüw­dü­rim­ler­den mi­nut­da 190 ton­na suw pürk­ül­ýär. Su­wuň gap­dal­ly­gy­na he­re­ke­ti 43 met­re ýet­ýär. Des­ga bu ugur­da Gin­ne­siň Bü­tin­dün­ýä re­kord­lar ki­ta­by­na gi­ri­zil­di.

Gyzykly bolup bilerЕЩЕ ОТ АВТОРА