PDF
11-12-nji iýulda Gazagystanyň paýtagty Astana şäherinde gymyz önümçiligine bagyşlanan «BaiQymyz» atly halkara milli tagamlar gastronomiýa festiwaly geçiriler. Paýtagtyň häkimliginiň resmi internet sahypasynyň maglumatyna görä, bu halkara çärä 60 müňden 70 müňe çenli adamyň gatnaşmagyna garaşylýar.
Halkara derejeli medeni-agrar brende öwrülmegi maksat edinýän bu festiwala Gazagystanyň dürli sebitlerinden, Gyrgyz Respublikasyndan we Russiýa Federasiýasynyň Ýakutiýa sebitinden gymyz öndürijileriň 60-a golaýy gatnaşar. Çäräniň esasy maksady milli iýmitleniş medeniýetini, şol sanda gymyz taýýarlamagyň gadymy däplerini dikeltmekden hem-de ony halkara derejede wagyz etmekden ybaratdyr. Iki gün dowam etjek çäräniň myhmanlaryna gymyzyň dürli görnüşlerini dadyp görmek, atlaryň tohum sergisini synlamak we etnomedeni maksatnamalara gatnaşmak mümkinçiligi dörediler.
