PDF
Ispaniýanyň çempionaty La Liganyň çempiony Atletiko Madrid nemes kluby Herta Berlin toparynyň braziliýaly ýarymgoragçysy Mateus Kunýany transfer etdi. 22 ýaşyndaky futbolçy üçin ispan kluby berlinlilere 26 million ýewro hem-de indiki transferiň 10 göterimini berer. Matrasçylar Kunýa bilen 5 ýyllyk şertnama baglaşdylar.
***
Italiýanyň Milan topary-da Monakonyň italýan hüjümçisi Pieto Pellegri bilen 1 ýyllyk kärendesine şertnama baglaşdy. 1 ýyllyk kärende üçin Milan Monako toparyna 1 milion ýewro berer. 20 ýaşly hüjümçini Milan möwsümiň ahyrynda 6+1 million ýewro hem-de goşmaça tölegler bilen ymykly düzümine-de goşup biler. Aglaba ätiýaçdan oýna giren Pellegri Ligue 1-de geçen möwsüm 16 duşuşykda 1 gezek tapawutlandy.
