Serie A-nyň çempiony Inter düzümini Lasionyň argentinaly oýunçysy Hoakin Korrea bilen güýçlendirdi. Milan şäheriniň kluby 27 ýaşly hüjümçi bilen 4 ýyllyk şertnama baglaşdy. Bu transfer üçin Interiň kassasyndan 31 million ýewro çykar. Interiň täze tälimçisi Simone Inzaginiň ozalky şägirdi Hoakin Korrea 19-njy belgili köýnekçäni geýer. Korrea Lasiodan öň Sewilýa, Sampdoriýa hem-de Estudiantes klublarynda oýnapdy.
