Formula 1 boýunça Russiýanyň Soçi şäherinde geçirilen möwsümiň 15-nji ýaryşynda Mercedes toparynyň britan sürüjisi Lýuwis Hamilton ýeňiji boldy. Ol 53 aýlawy ilkinji bolup tamamlap, şu möwsümdäki 5-nji, karýerasyndaky 100-nji ýeňşini gazandy. Ol 100 ýeňiş gazanan ilkinji F1 piloty hökmünde hasaba alyndy. Ýaryşda çempionlyk ugrunda ýiti göreş alyp barýan Maks Werstappen (Red Bull) 2-nji, şeýle-de Karlos Sains Junior (Ferrari) 3-nji ýeri eýeledi.
Soçi şäherinde F1 ýaryşlary 2014-nji ýyldan bäri geçirilip gelinýär we şolaryň ählisinde-de Mercedes toparynyň sürüjileri ýeňiş gazandy. Hamilton Soçi awtodromynda 5-nji gezek ýeňiş münberiniň çür depesine çykdy.
