Hor­mat­ly Pre­zi­den­ti­mi­ziň pa­ra­sat­ly we öň­den­gö­rü­ji­lik­li baş­tu­tan­ly­gyn­da Ber­ka­rar döw­le­ti­mi­ziň bag­ty­ýar­lyk döw­rün­de äh­li ugur­lar bi­len bir ha­tar­da ýur­du­my­zyň me­de­ni ul­ga­myn­da ägirt uly ösüş­ler ama­la aşy­ryl­ýar.
Ýur­du­myz­da be­lent sep­git­le­riň we üs­tün­lik­le­riň ga­za­nyl­ýan döw­rün­de mil­li me­de­ni­ýe­ti­mi­ze, türk­men hal­ky­nyň ta­ry­hyn­da öç­me­jek yz go­ýup gi­den be­ýik akyl­dar­la­ry­my­za hor­mat hem-de sar­pa be­lent­den tu­tul­ýar. Sar­pa­sy be­lent tu­tul­ýan akyl­dar­la­ry­my­zyň bi­ri hem Mag­tym­gu­ly Py­ra­gy­dyr. Hor­mat­ly Prezidentimiziň taý­syz ta­gal­la­la­ry bi­len paý­tag­ty­myz Aş­ga­ba­dyň gö­zel kün­jek­le­ri­niň bi­rin­de – Kö­pet­da­gyň owa­dan ýe­rin­de be­ýik akyl­da­ryň we şa­hy­ryň hor­ma­ty­na Mag­tym­gu­ly Py­ra­gy­nyň me­de­ni-se­ýil­gäh top­lu­my bi­na edil­ýär.

Be­ýik akyl­dar şa­hyr, fi­lo­sof Mag­tym­gu­ly Py­ra­gy­nyň ede­bi pä­him-pa­ra­sa­dy, ba­ky tag­ly­my bo­lan şy­gyr di­wan­la­ry hal­ky­my­zyň bag­ty­ýar ýa­şaý­şy­nyň joş­gun­ly aý­dy­my bo­lup ýaň­lan­ýar. Türk­men hal­ky­nyň be­ýik og­ly, akyl­da­ry hem mil­li şa­hy­ry Mag­tym­gu­ly Py­ra­gy öz hal­ky­na we bü­tin adam­za­da hyz­mat­la­ry bi­len türk­men­le­riň hem-de beý­le­ki halk­la­ryň kal­byn­da çuň­ňur orun al­ýar. Mag­tym­gu­ly öz dö­re­di­ji­li­gin­de hal­ky­nyň eg­sil­mez baý­ly­gy bo­lan ata-ba­ba­la­ry­my­zyň gö­zel mi­ra­syn­dan yl­ham we kuw­wat al­ýar, hut şo­nuň üçin hem onuň goş­gu­la­ry bü­tin halk köp­çü­li­gi üçin örän düş­nük­li bo­lup, ola­ryň ru­hu­na or­naş­ýar.

«Magtymguly Pyragynyň medeni-seýilgäh toplumy asman bilen Zemin arasyndaky beýik ýadygärlik bolmalydyr. Onda türkmen halkynyň asyrlaryň jümmüşine uzap gidýän çuň taryhy kökleri we häzirki döwürde bitirilýän asylly işleriň belentligi öz beýanyny tapmalydyr. Toplum akyldar şahyryň hut özüniň äleme nusgalyk şygryýet dünýäsi ýaly ajaýyp we kaşaň bolmalydyr» diýen sözler bilen hormatly Prezidentimiz türkmen halkynyň beýik şahyryna bolan uly hormatyny mynasyp beýan edýär.

Mag­tym­gu­ly Py­ra­gy­nyň me­de­ni-se­ýil­gäh top­lu­my­nyň gur­lu­şy­gy­ny hem-de ýa­na­şyk ýer­le­ri­ni aba­dan­laş­dyr­mak bo­ýun­ça al­nyp ba­ryl­ýan iş­le­ri 2022-nji ýyl­da do­ly ta­mam­lap, ýur­du­myz­da Me­de­ni­ýet we sun­gat iş­gär­le­ri­niň hem-de Mag­tym­gu­ly Py­ra­gy­nyň şyg­ry­ýet gü­ni my­na­sy­bet­li her ýyl­da ge­çi­ril­ýän Me­de­ni­ýet hep­de­li­gi­ne ga­bat­la­ny­lyp ulan­ma­ga be­ril­jek­di­gi me­de­ni­ýet iş­gär­le­rin­de we äh­li il­deş­le­ri­miz­de uly ru­hu­be­lent­lik duý­gu­sy­ny dö­ret­di.
Şeý­le hem 2024-nji ýyl­da türk­men hal­ky­nyň dün­ýä meş­hur akyl­dar şa­hy­ry­nyň 300 ýyl­lyk da­ba­ra­sy giň­den bel­le­ni­ler. 2024-nji ýy­ly «Mag­tym­gu­ly Py­ra­gy­nyň ýy­ly» di­ýip yg­lan et­mek göz öňün­de tu­tul­ýar. Şol ýyl ge­çi­ril­jek şan­ly wa­ka­lar Mag­tym­gu­ly Py­ra­gy­nyň owa­za­sy­ny dün­ýä dol­du­rar.
Be­ýik şa­hy­ry­myz Mag­tym­gu­ly Py­ra­gy di­ňe bir Gün­do­gar ede­bi­ýa­tyn­da däl, eý­sem, dün­ýä ede­bi­ýa­tyn­da hem uly orun tu­tan akyl­dar­dyr. Beý­le­ki goň­şy halk­la­ryň ede­bi­ýat­la­ryn­da hem Mag­tym­gu­ly Py­ra­gy­nyň dö­re­di­ji­li­gi­ne uly sar­pa goý­lup, şol ede­bi­ýat­lar­da hem my­na­syp orun alyp­dyr.
Mag­tym­gu­ly Py­ra­gy türk­men hal­ky­nyň ru­hy dün­ýä­si­niň, öz­bo­luş­ly ýa­şa­ýyş me­de­ni­ýe­ti­niň, ru­hy gym­mat­lyk­la­ry­nyň, şol san­da döw­let­li­lik we Ga­raş­syz­lyk pel­se­pe­si­niň ke­ma­la gel­me­gi­ne ägirt uly go­şant go­şan akyl­dar­dyr. Türk­men ede­bi­ýa­ty­nyň ägirt­le­ri ba­ra­da gür­rüň edi­len­de il­ki bi­len Mag­tym­gu­ly­nyň dö­re­di­ji­li­gi öňe saý­lan­ýar.
Be­ýik şa­hy­ryň dö­re­den goş­gu­la­ry ge­çen dö­wür­le­riň meş­hur ede­bi­ýat us­sat­la­ry­nyň we fi­lo­sof­la­ry­nyň eser­le­ri­niň ha­ta­ryn­da my­na­syp orun eýe­le­ýär, onuň dö­re­di­ji­li­gi dün­ýä me­de­ni­ýe­ti­niň al­tyn ha­zy­na­sy­na gir­di. Türk­men hal­ky be­ýik şa­hy­ra aý­ra­tyn sar­pa goý­ýar hem-de her ýyl Me­de­ni­ýet we sun­gat iş­gär­le­ri­niň hem-de Mag­tym­gu­ly Py­ra­gy­nyň şyg­ry­ýet gü­ni bo­lan bu go­şa baý­ra­my da­ba­ra­ly ýag­daý­da bel­le­ýär.

Ene­jan TOÝ­LY­ÝE­WA,
S.A.Ny­ýa­zow adyn­da­ky Türk­men oba ho­ja­lyk uni­wer­si­te­ti­niň mu­gal­ly­my.

Gyzykly bolup bilerЕЩЕ ОТ АВТОРА