Germaniýanyň Bundesligasynyň 12-nji tapgyrynyň açylyş duşuşygynda sanawyň lideri Bawariýa garaşylmadyk ýagdaýda Augsburgdan 2-1 utuldy. 3 gol hem birinji ýarymda geçip, ýer eýeleri 23-nji minutda Pederseniň hem-de 35-nji minutda Hanyň gollary bilen 2-0 öňe saýlandy. 38-nji minutda Lewandowski möwsümdäki 14-nji, 2021-nji ýyldaky 61-nji goluny geçirdi. Oýnuň 2-nji ýarymynda-da Bawariýa hasaby üýtgetmek başartmady. Şeýlelikde, Bawariýa şu möwsümde çempionatda 2-nji gezek ýeňildi.
