Angliýa meşhur aýdymçy zenan Adel Adkinsiň täze albomy rekord goýdy. 33 ýaşyndaky aýdymçynyň “30” atly täze albomy satuwa çykarylanyndan 3 gün soň ýylyň iň köp satyn alnan albomy boldy. Gremmi baýragynyň eýesi Adeliň täze albomy 3 günüň dowamynda 500 müňden gowrak nusgasy satyn alnyp, Teýlor Swiftiň rekordyny täzeledi. Amerikaly aýdymçynyň “Evermore” atly albomy 462 müň nusga bilen şu ýylyň iň köp satyn alnan albomydy. Bu barada “Billboard” habar berýär.
“30” atly albomda 12 aýdym bolup, olaryň arasynda “Easy on Me” aýdym “Spotify”-de bir günde iň köp diňlenen aýdym hökmünde rekord goýupdy. Aýdymyň şekilli görnüşi-de “YouTube”-de 1 günde 47 milliondan gowrak gezek tomaşa edilipdi.
