Iki hepde mundan ozal 50 ýyldan soň Braziliýanyň çempionatynda taryhyndaky ikinji çempionlygyny gazanan Atletiko Mineiro kluby ýurduň kubogyna-da mynasyp boldy. Finalyň birinji duşuşygynda 4-0 hasabynda ýeňiş gazanan mineirolylar jogap oýnunda Atletiko Paranaense toparyny 2-1 ýeňdi. Mineirolylara ýeňiş getiren gollary 24-nji minutda Keno bilen 75-nji minutda Hulk geçirdi. Atletiko Paranaense toparynyň ýeke-täk goluny 86-njy minutda Žaderson geçirdi. Şeýlelikde, Atletiko Mineiro 2014-nji ýyldan soň 2-nji gezek Braziliýanyň Kubogyna mynasyp boldy. Ýaryşda 8 gezek tapawutlanan Hulk iň köp gol geçiren futbolçy boldy.
