Angliýanyň Liga Kubogy ýaryşynyň çärýek finalynda bir-birinden gyzykly duşuşyklar oýnaldy. Tapgyryň iň çekeleşikli geçen oýnunda Liwerpul Lesteri penaltilerden soň ýaryşdan çykardy. Myhmanlar 33 minutda 3-1 öňe saýlansa-da, soňky minutlarda hasaby deňlän Liwerpul penalti urgularynda 5-4 üstünlik gazandy we ýarym finala çykdy (3-3; Çemberleýn 19, Žota 68, Minamino 90+5 – Wardi 9, 13, Maddison 33).
London derbisinde Tottenham West Hamy 2-1 hasabynda ýeňdi. Duşuşykda 3 gol hem 5 minutda geçirilip, Tottenhamyň adyndan Bergwiýn bilen Lukas Moura tapawutlandy. West Hamyň ýeke-täk goluny-da Bowen geçirdi. Çelsi myhmançylykda Brentfordy soňky 10 minutda 2 gol geçirip, 2-0 hasabynda ýeňdi. Nketiahyň het-trik eden oýnunda-da Arsenal Sanderlandy 5-1 ýeňipdi.
5-nji we 12-nji ýanwarda oýnaljak ýarym final oýunlarynda Çelsi bilen Tottenham, Arsenal bilenem Liwerpul duşuşarlar.
