Russiýanyň Zenit toparynyň eýranly hüjümçisi Serdar Azmun geljek möwsümden başlap karýerasyny Germaniýanyň çempionaty Bundesligada dowam etdirer. Ol Bundesliganyň öňdebaryjy klublaryndan Lewerkuzeni Baýeri bilen 5 ýyllyk şertnama baglaşdy. Bu barada Die Werksell habar berýär. Erkin agent ýagdaýynda transfer bolan 27 ýaşyndaky futbolçynyň ady iňlis, italýan hem-de fransuz klublary bilen hem agzalýardy. Serdar Azmun tomusda täze klubunyň düzümine goşular.
4 möwsümden bäri Zenitde çykyş edip gelýän Azmun bu toparda 104 oýunda 62 gol geçirdi. Eýranyň Sepahan klubunda futbola başlan Azmun Rubinde 5, Rostowda 3 möwsüm çykyş etdi. Onuň Russiýanyň çempionatynda 208 oýunda 85 goly bar. Azmun milli ýygyndyda 60 oýunda 39 gezek tapawutlandy.
