Afrika Milletler Kubogy ýaryşynda çärýke finalçylaryň bary belli boldy. Yklymyň iki güýçli ýygyndysynyň arasyndaky oýunda ýeňijini penalti urgulary kesgitledi. Kot-d’Iwuar bilen Müsüriň arasyndaky oýnuň esasy we goşmaça wagtlarynda taraplar näçe tagalla etse-de hasaby açmak olara başartmady. Netijede, penalti urgularynda Kot-d’Iwuar bir ýalňyşlyk goýberdi. Erik Baýiniň uran urgusyny derwezeçi sowmagy başartdy. Müsüriň adyndan soňky urgyny-da Mohamed Salah ýerine ýetirdi we 5-4 öňe saýlanan Müsürüiň ýygyndysy çärýek finala çykdy. Şeýlelikde, Müsüriň ýygyndysy 21-nji gezek çärýek finala çykyp, ol bu tapgyrda başga bir güýçli ýygyndy Marokko bilen duşuşar.
29-njy we 30-njy ýanwarda oýnaljak çärýek finalda Gambiýa bilen Kamerun, Burkino Faso bilen Tunis, Müsür bilen Marokko hem-de Senegal bilen Ekwator Gwineýasy duşuşarlar.
