Tamamlanyp barýan Afrika Milletler Kubogynda ilkinji finalçy belli boldy. Garaşylmadyk ýarym finalçy Burkino Fasony 3-1 hasabynda ýeňen Senegalyň ýygyndysy bassyr 2-nji, umumylykda 3-nji gezek finala çykdy. Çekeleşikli geçen oýnuň birinji ýarymynda hasap açylmady. 70-nji minutda senegally Abdu Diallo hasaby açdy. 76-njy minutda Sadio Maneniň pasyndan soň Idrisse Geýe hasaby 2-0-a çykardy. 82-nji minutda Ibrahim Ture Burkino Fasony umytlandyrsa-da 5 minutdan soň tapawutlanan Mane oýna soňky nokady goýdy. Şeýlelikde, Senegalyň ýygyndysy 2002-nji we 2019-njy ýyllardan soň 3-nji gezek finala çykdy. Onuň finaldaky garşydaşy ýer eýeleri Kamerunyň ýygyndysy ýa-da bu kubogy iň eýelän Müsüriň ýygyndysy bolar. Kamerun bilen Müsüriň arasyndaky duşuşyk şu gün oýnalar (00:00).
