Kamerunda geçirilen 33-nji Afrika Milletler Kubogy ýaryşy tamamlandy. Paýtagt Ýaundedäki Olembe stadionynda oýnalan finalda Senegal bilen Müsüriň ýygyndylary duşuşdy. Dargtynly geçen oýnuň esasy hem-de goşmaça wagtynda hasap açylmady. Aslynda oýnuň 7-nji minutda Senegal öňe saýlanyp bilerdi. Ýöne Sadio Maneniň uran penalti urgusynyň Müsüriň derwezeçisi saklamagy başardy. Şondan soňky pursatlarda-da taraplara hasaby
açmak başartmady. Netijede, ýeňijini penalti urgulary kesgitläp, bu urgularda 4-2 öňe saýlanan Senegalyň ýygyndysy taryhynda ilkinji gezek Afrikanyň çempiony bolmagy başardy. Şeýlelikde, bassyr 2-nji, umumylykda 3-nji gezek finalda çykyş eden Senegalyň ýygyndysy yklym ýaryşynda çempionlyk gazandy. OI bu ýaryşda çempion bolan 16-njy ýygyndy hökmünde hasaba alyndy. Olar mundan ozal, 2002-nji ýylda Kamerundan, 2019-njy ýylda-da Alžirden utulyp, 2-nji ýeri eýeläpdiler.
Iň soňky gezek 2010-njy ýylda, jemi 7 gezek çempion bolan Müsüriň ýygyndysy 3-nji sapar finalda ýeňildi. 1957-nji, 1959-njy, 1986-njy, 1998-nji, 2006-njy, 2008-nji we 2010-njy ýyllarda çempionlyk gazanan Müsüriň ýygyndysy mundan ozal 1962-nji we 2017-nji ýyllarda finalda garşydaşlaryndan asgyn gelipdi. Müsüriň ýygyndysy ýarym finalda Kameruny esasy we goşmaça wagty golsuz geçen oýunda penaltileriň netijesinde 3-1 utupdy.
Baýrakly 3-nji urgundaky duşuşyk örän çekeleşikli ýagdaýda geçdi. Ýer eýeleri Kamerunyň ýygyndysy bilen Burkino Fasonyň ýygyndysynyň arasyndaky oýnuň esasy wagtynda 6 gol geçirildi. Burkino Fasonyň ýygyndysy 50 minut dolmanka 3-0 öňe saýlandy. 24-nji minutda Ýago hasaby açsa, 43-nji minutda Kamerunyň derwezeçisi Onana topy ýalňyşlyk bilen öz toruna girizdi. 2-nji ýarymyň başynda-da, 49-njy minutda Djibril Ouattara hasaby 3-0-a çykardy. Soňky 20 minutda erjel oýun görkezen Kamerunyň ýygyndysy 71-nji minutda Bahokeniň goly bilen aratapawudy 2-ä düşürdi. Oýna soň goşulan çempionatyň iň netijeli oýunçysy Winsent Ababakar 85-nji we 87-nji minutlarda tapawutlanyp, hasaby deňlemegi başardy. Şondan soň goşmaça 30 minutda üýtgän zat bolmady. Oýundan soňky penalti urgularynda-da 5-3 öňe saýlanan Kamerunyň ýygyndysy 1972-nji ýyldan soň 2-nji gezek bürünç medala mynasyp boldy. Burkino Fasonyň ýygyndysy-da agza-burna bürünç medaly aldyryp, 2-nji gezek 4-nji ýeri eýeledi
Çempionatyň iň ökde oýunçysy diýlip, senegally Sadio Mane, ýylyň derwezeçisi Eduar Mendi saýlandy. 8 gezek tapawutlanan Winsen Abubakar çempionatyň iň netijeli futbolçysy boldy.
Çempionat 2023-nji ýylda Kot-d’Iwuarda geçiriler.
