Italiýanyň çempionaty Serie A-da Ýuwentus öz meýdançasynda Hellas Werona toparyny 2-0 ýeňdi. Turinlileriň gollarynyň ikisini-de täze transferler Duşan Wlahowiç (13) bilen Denis Zakaria (61) geçirdi. Möwsümdäki 13-nji ýeňşini gazanan Ýuwentus utugyny 45-e çykaryp, 4-nji orna beýgeldi. Olar indiki tapgyrda bir oýny kem 5-nji basgançakda barýan Atalanta bilen duşuşarlar.
Serie A-da Napoli myhmançylykda Wenesiýany 2-0 ýeňip, 2-nji ýerdäki ornuny saklamagy başardy.
