Fransiýanyň çempionatynda sanawyň lideri PSŽ öz meýdançasynda Loriýandan 5-1 üstün çykdy. Gollaryň 2-sini 28-nji we 67-nji minutda Kilian Mbappe geçirdi. Beýleki 3-sini hem onuň beren paslaryndan soň Neýmar (12, 90) bilen Messi (73) öz atlaryna ýazdyrdylar. Şeýlelikde, PSŽ-de ilkinji gezek üç super ýyldyz bir duşuşykda bilelikde gol geçirmegi başardylar. Duşuşygyň ýyldyzy bolsa 2 gol geçirip, 3 asist eden Mbappe boldy. Ol iň netijeli hüjümçileriň sanawynda Wissam Ben Ýedder bilen birinji orny paýlaşýarlar. Ikisiniň hem 18 goly bar.
