“La Liganyň” öňdebaryjy klublaryndan “Barselona” topary Angliýanyň “Lids Ýunaýted” toparynyň braziliýaly ýarymgoragçysy Rafinýany transfer etdi. “Barselona” topary Rafinýanyň transferi üçin iňlis klubuna 58+7 million, jemi 65 million ýewro berer. 25 ýaşyndaky oýunçy şu hepdäniň dowamynda “Barselona” şäherine gelip, ilki lukman gözegçiliginden geçer, soňra bolsa, katalonlar bilen uzak möhletleýin şertnama gol çeker. “Çelsi”, “Arsenal”, “Bawariýa” klublaryň arasyndan “Barselonany” saýlan Rafinýa karýerasyna ýurdunyň “Awai” toparynda başlaýar. Portugaliýanyň “Witoria Gimaraýnş”, “Sporting” klublarynda oýnaýar. Fransiýanyň “Renn” toparynda hem çykyş eden Rafinýa 2020-nji ýylyň oktýabrynda 20 million ýewro “Lidse” transfer boldy. Ol “Lidsde” 67 oýunda 17 gol geçirdi.
