Katar 2022-de “A” toparçada ýer eýeleri Kataryň ýygyndysy 2-nji duşuşygynda ýeňlişe sezewar boldy. Al Thumama stadionynda Senegal bilen duşuşan katarlylar 3-1 hasabynda asgyn geldi. Senegalyň gollaryny 41-nji minutda Bulaýe Dia, 48-nji minutda Famara Diedhui hem-de 84-nji minutda Bamba Dieng geçirdi. Kataryň goluny bolsa 78-nji minutda Mohammed Muntari öz adyna ýazdyrdy. Bu gol ýeňiş üçin ýeterlik bolmasa-da, Muntari ilkinji gezek Dünýä Kubogyna gatnaşýan Kataryň çempionatyň taryhyndaky ilkinji goly boldy.
