UEFA Çempionlar Ligasynda 1/8 finalyň ýene 2 duşuşygy oýnaldy. Duşuşan toparlar biri-birileri bilen ilkinji gezek duşuşyk geçirdiler. “Borussiýa Dortmund” topary öz meýdançasynda “Çelsini” 1-0 hasabynda ýeňlişe sezewar etdi. Dortmundlylara ýeňiş getiren ýeke-täk goly 63-nji minutda Karim Adeýemi geçirdi. “Borussiýa Dortmund” soňky 11 oýunda ilkinji gezek iňlis klublarynyň birini ýeňmegi başardy.
“Benfika” çärýek finala golaý
Ilkinji gezek 1/8 finala çykan “Klub Brýugge” öz meýdançasynda “Benfika” bilen duşuşdy. Myhmanlaryň artykmaçlygynda geçen oýunda portugal kluby 2-0 hasabynda ýeňiş gazandy. Çärýek finalyň bosagasynda ilkinji ädimini äden “Benfikanyň” gollaryny Žoao Mario (51 p) bilen Dawid Neres (88) derwezä girizdi. Jogap duşuşyklary 7-nji martda geçiriler.
