UEFA Çempionlar Ligasyndan soň Ýewropa Ligasynda-da çärýekdir ýarym finalyň bijeleri çekildi. Çempionlygyň iň esasy dalaşgärlerinden Mançester Ýunaýted bu kubogy iň köp eýelän ispan kluby Sewilýa bilen duşuşar. Başgaça aýdylanda, Mançester Ýunaýted topary Barselonadyr Betisden soň ýene bir ispan kluby bilen bije çekişdi. Ýuwentus topary-da 1/8 finalda Arsenaly ýaryşdan çykaran Sporting bilen ýarym finala çykmak üçin güýç synanyşar. Baýeriň paýyna Belgiýanyň wise-çempiony Ýunion Sent-Žillua düşdi. Feýenoord bolsa Roma bilen duşuşar.
Çärýek finalyň duşuşyklary 13-nji we 20-nji aprelde oýnalar. Ýarym finalyň duşuşyklary-da 12-nji we 18-nji maýda geçiriler. Final duşuşygy-da 31-nji maýda Budapeştdäki Puşkaş Arenada oýnalar.
Çärýek finalyň bijeleri:
Mançester Ýunaýted – Sewilýa
Ýuwentus – Sporting
Baýer – Ýunion Sent-Žillua
Feýenoord – Roma
Ýarym finalyň bijeleri:
Ýuwentus/Sporting – Mançester Ýunaýted/Sewilýa
Feýenoord/Roma – Baýer/Ýunion Sent-Žillua
