Angliýanyň çempionaty “Premier Ligada” “Çelsi” toparyna tälimçi çydanok. Klubuň ýolbaşçylary toparyň “Aston Willadan” öz meýdançasynda 2-0 utulmagyndan soň tälimçi Grem Potteri wezipesinden boşatdylar. 47 ýaşyndaky tälimçi, 7 aý öň, ýagny sentýabr aýynda Tuheliň ornuna wezipä bellenipdi. Çempionlar Ligasynda Çelsini çärýek finala çykaran Potter çempionatda juda şowsuz netije görkezdi. Umumylykda 31 oýnuň 12-sinde ýeňiş gazanan “Çelsi”, Potteriň tälimçiliginde 12 oýunda-da ýeňlişe sezewar boldy. Topara häzirlikçe Bruno Saltor tälim berer.
“Çelsi” topary soňky 23 ýylda, ýagny 2000-nji ýyldan bäri tälimçilerini 17 gezek işinden boşatdy. Şolaryň käbirleri – Žoze Mourinio bilen Guus Hiddink 2 gezek “Çelsiniň” tälimçisi bolupdy.
Klubuň indiki tälimçisiniň kim boljakdygy häzirlikçe belli bolman, Ýulian Nagelsmann, Zinedin Zidan, Ze Derbi, Luiz Enrike, Maurisio Poçettino dagynyň atlary bu jogapkärli wezipe üçin agzalýar.
