Germaniýanyň çempionatynda 28-nji tapgyrda geçirilen 9 duşuşygyň 6-synda deňme-deňlik hasaba alnyp, olaryň-da 4-si 1-1 hasabynda tamamlandy. Sanawyň lideri “Bawariýa” öz meýdançasynda “Hoffenhaým” bilen 1-1 hasabynda deňme-deň oýnady. Myhmançylykda “Ştutgart” bilen duşuşan “Borussiýa Dortmund” bolsa agza-burna gelen ýeňşi elden giderdi. Ilkinji 33 minutda 2-0 öňe saýlanan dortmundlylar 40-njy minutdan soň 1 oýunçy kem oýnan ýer eýeleriniň duşuşygyň soňky 12 minutynda hasaby deňlemekleriniň öňüni alyp bilmedi. Ýöne muňa garamazdan, 90+3-nji minutda Reýnanyň goly bilen 3-2 öňe saýlanan “Borussiýa” topary bu üstünligini hem goramak başartmady. 90+7-nji minutda goragçylaryň gödek ýalňyşlygyndan soň Katompa Mwumpa hasaby deňlemegiň hötdesinden geldi. “Wolfsburg” bilen “Baýeriň” arasyndaky oýunda hasap açylmady.
