Futbolda transferiň merkezine öwrülen Saud Arabystanynyň klublary Ýewropanyň ýyldyz oýunçylaryny düzümine goşmagyny dowam edýär. Tamamlanan möwsümiň çempiony “Al-Hilal” topary Karim Benzema hem-de N’Golo Kanteden soň ýene bir oýunçy transfer etdi. Jidda şäheriniň wekili Angliýanyň “Wulwerhempton” toparynyň portugaliýaly oýunçysy Ruben Neweşi düzümine goşdy. “Al-Hilal” kluby 26 ýaşyndaky oýunçy bilen 2026-njy ýylyň tomsuna çenli şertnama baglaşdy. Arap kluby portugaliýaly ýarymgoragçynyň transferi üçin iňlis klubuna 47 million funt sterling (55 million ýewro) tölär. Ruben Neweş 2017-nji ýylda “Portodan” “Wulwerhemptona” transfer bolupdy. Ol iňlis klubunda 253 oýunda 30 gol geçirdi. Neweş Portugaliýanyň ýygyndysynda-da 41 oýunda meýdança çykdy.
