Türk klublary transferiň soňky gününde iňlis klublaryndan 3 futbolçy transfer etdi. “Trendýol Süper Ligiň” soňky çempiony “Galatasaraý” topary “Tottenhamdan” 2 oýunçyny düzümini goşdy. Stambullylar “Tottenhamyň” kolumbiýaly goragçysy Dawinson Sançes hem-de fransiýaly ýarymgoragçysy Tanguý Ndombele bilen şertnama baglaşdy.
“Galatasaraý” 27 ýaşyndaky Sançes bilen 4+1 ýyllyk şertnama baglaşyp, oýunçynyň özüne ýyllyk 3,2 million ýewro hak tölär. Sançesiň transfer tölegi hökmünde-de iňlis klubuna 9,5 million ýewro berler. Sançes “Tottenhamda” 6 möwsümde 207 oýunda 5 gol geçirdi.
26 ýaşyndaky Ndombele türk kluby bilen 1 ýyllyk kärendesine şertnama gol çekişdi. Ol 2022-nji ýylyň ýanwaryndan bäri başga klublarda kärendesine çykyş edip gelýär. Ýarym möwsüm “Lionda” oýnandan soň, geçen möwsümi “Napolide” geçiren Ndombele 2019-njy ýylda “Tottenhamyň” düzümine goşulypdy.
Stambulyň başga bir kluby “Beşiktaş” topary-da “Mançester Ýunaýtedden” kot-d’iwuarly goragçy 
ni transfer etdi. 29 ýaşyndaky oýunçy bilen 1 ýyllyk şertnama baglaşylandygy habar berildi. Geçen möwsümi “Marselde” kärendesine geçiren Baýi 2016-njy ýylda “Wilýarrealdan” “Mançester Ýunaýtede” transfer bolupdy.
