Albaniýa elýeterli bahalary, ajaýyp kenary we taryhy şäherleri bilen 2026-njy ýylda Ýewropanyň iň esasy syýahatçylyk ugurlarynyň birine öwrülýär. Bu ýyl ýurtda syýahatçylar üçin täze kaşaň myhmanhanalaryň açylmagnay, wiza ýeňilliklerine we ulag düzüminiň kämilleşdirilmegine garaşylýar. Hususan-da, Italiýa we Gresiýa ýaly aşa köp syýahatçylygyň kynçylyklaryny çekýän ýurtlara alternatiwa hökmünde Albaniýanyň “Lapykly daglar” diýlip atlandyrylýan Alp daglary we dury suwly Adriatik hem-de Ion deňizleriniň kenarlary uly gyzyklanma döredýär.
Täze açylýan myhmanhanalaryň hatarynda Ion deňziniň kenaryndaky bäş ýyldyzly “Green Coast Hotel” (MGallery), Durres şäherindäki “Crowne Plaza Durres” we paýtagt Tiranadaky “Adorn Tirana” ýaly kaşaň desgalar bar. Şeýle-de, 2026-njy ýylyň ahyryna çenli Wlýora şäheriniň halkara howa menziliniň işe girizilmegine garaşylýar, bu bolsa ýurduň günorta kenarýakasyna barmagy has-da aňsatlaşdyrar. Häzirki wagtda Ýewropa Bileleşiginiň we Beýik Britaniýanyň raýatlary üçin wizasyz tertip saklanyp galýan bolsa, Saud Arabystanynyň raýatlaryna hem 2026-njy ýylyň ahyryna çenli wagtlaýyn wizasyz gelmäge rugsat berildi.
Syýahatçylar paýtagt Tirananyň taryhy binalaryna we medeni durmuşyna, Albaniýa Riwýerasynyň “Gök göz” (Blue Eye) ýaly tebigy çeşmelerine hem-de ÝUNESKO-nyň sanawyna giren Butrint milli seýilgähiniň gadymy harabalaryna gezelenç edip bilerler. Dag syýahatyny söýýänler üçin Walbona we Tet obalarynyň arasyndaky pyýada ýollar, şeýle-de adaty “kulla” daş jaýlarynda galyp, ýerli tagamlardan dadyp görmek mümkinçiligi döredilýär. Albaniýanyň bu täze mümkinçilikleri ýurdy diňe bir dynç alyş däl, eýsem ekologiýa we taryh bilen tanyşmak isleýänler üçin hem özüne çekiji edýär.

Gyzykly bolup bilerЕЩЕ ОТ АВТОРА