Angliýanyň çempionatynda 37-nji tapgyryň ilkinji 2 duşuşygy geçirildi. “Çelsi” öz meýdançasynda “Mançester Ýunaýtedden” 1-0 hasabynda üstün çykdy. Londonlylaryň ýeke-täk goluny Riis Jeýmsiň pasyndan soň 71-nji minutda Mark Kukurelýa geçirdi. “Çelsi” bu ýeňiş bilen täze möwsümde Çempionlar Ligasyna gatnaşma ugrunda uly mümkinçilik gazandy.

“Mançester Ýunaýted” bolsa möwsümde 18-nji gezek ýeňlişe sezewar boldy. Bu görkeziji klub üçin antirekorda deňdir. “Ýunaýted” 16-njy orunda barýar.

Ýene bir duşuşykda “Aston Willa” öz meýdançasynda “Tottenhamdan” Ezri Konsanyň (59) hem-de Kamaranyň (73) gollary bilen 2-0 hasabynda üstün çykdy. “Aston Willa” hem utugyny “Çelsi” ýaly utugyny 66-a çykardy.

21-nji duşuşygynda utulan “Tottenham” topary 17-nji orny eýeleýär.

Aslynda ligada galmak üçin göreşmeli bolup bilerdiler

APL-de aşaky liga düşen klublaryň üçüsem bir eýýäm belli boldy. Juda pes netije görkezmegi olary aşaky liga düşürdi. Adatça göreş dowam eden ýagdaýynda “Mançester Ýunaýted” hem-de “Tottenham” toparlary, ýagny uly 6-lygyň klublarynyň 2-si soňky tapgyra çenli ligada galmak üçin göreşmeli bolarlardy. Ýöne çempionatda taryhlaryndaky iň şowsuz möwsümleriniň birini başdan geçirýändiklerine garamazdan, “Mançester Ýunaýted” ýa-da “Tottenham” toparlarynyň haýsy hem bolsa biri geljek möwsümde UEFA Ýewropa Ligasynyň ýeňijisi hökmünde Çempionlar Ligasyna gatnaşar.

Olar geljek hepdäniň çarşenbe güni Ispaniýanyň Bilbao şäherinde Ýewropa Ligasynyň finalynda duşuşarlar.

Gyzykly bolup bilerЕЩЕ ОТ АВТОРА