PDF
Angliýanyň çempionatynda soňky çempion “Liwerpul” APL-de 3, umumylykda 4 oýundan bäri ýeňlip gelýär. Öz meýdançasynda “Mançester Ýunaýted” bilen duşuşan “Liwerpul” 2-1 hasabynda asgyn geldi. Duşuşykda myhmanlar eýýäm 2-nji minutda, has takygy, 65-nji sekuntda Mbeumanyň goly bilen öňe saýlandy. 78-nji minutda Gakpo hasaby deňlese-de, 84-nji minutda Maguaýryň goly bilen “Mançester Ýunaýted” ýeňşini baýram etdi. “Mançester Ýunaýted” topary “Liwerpuly” soňky gezek 2016-njy ýylyň ýanwarynda ýeňipdi.
Sanawyň lideri “Arsenal” London derbisinde myhmançylykda “Fulhamdan” Trossaryň 58-nji minutda geçiren ýeke-täk goly bilen üstün çykyp, ornuny saklamagy başardy.
“Mançester Siti” topary öz meýdançasynda “Ewertony” Erling Holannyň gollary bilen 2-0 hasabynda ýeňdi. “Tottenham” Londonda öňe geçen duşuşygynda “Aston Willadan” 2-1 hasabynda ýeňildi.
Öz meýdançasynda “Çelsiden” 3-0 hasabynda asgyn gelen “Nottingam Forest” topary 39 gün öň bellenen tälimçisi Anj Postekogluny wezipesinden boşatdy. Topar onuň tälimçiliginde geçiren 8 duşuşygynda ýeke gezek hem ýeňiş gazanyp bilmedi.
Geçen tapgyrda 19 oýundan soň ilkinji gezek utulan “Kristal Palas” topary öz meýdançasynda öňdäki orunlarda barýan “Bornmut” bilen 3-3 hasabynda deňme-deň oýnady. Oýunda ýer eýeleriniň 3 goluny-da geçiren Mateta 90+7-nji minutda penaltini dürs urup, toparyny ýeňlişden halas etdi.
8-nji tapgyryň netijeleri:
Forest – Çelsi: 0-3 (Açimpong 49, Pedro Neto 52, Jeýms 84),
Börnli – Lids: 2-0 (Ugoçukwu 18, Çauna 68),
Braýton – Nýukasl: 2-1 (Welbek 41, 84 – Woltemade 76),
K. Palas – Bornmut: 3-3 (Mateta 64, 69, 90+7 p – Krupi 7, 38, Kristi 89),
Man. Siti – Ewerton: 2-0 (Holann 58, 63),
Sanderland – Wulwerhempton: 2-0 (Mukiele 16, Kreýçi 90+3 ö.d.),
Fulham – Arsenal: 0-1 (Trossar 58),
Tottenham – A. Willa: 1-2 (Bentankur 5 – Rojers 37, Buendia 77),
Liwerpul – M. Ýunaýted: 1-2 (Gakpo 78 – Mbeumo 2, Maguaýr 84),
West Ham – Brentford (şu gije)
