Portugaliýanyň milli ýygyndysynyň täze tälimçisi belli boldy

Portugaliýanyň milli ýygyndysynyň täze tälimçisi belli boldy. Federasiýa tarapyndan berlen habarda Fernando Santoşyň ornuna ispaniýaly Roberto Martines Portugaliýanyň milli ýygyndysynyň tälimçiligine bellendi. 49 ýaşyndaky hünärmen mundan öň 6 ýyllap Belgiýanyň milli ýygyndysynyň tälimçisi bolupdy. Ol Dünýä Kubogyndan soň Belgiýanyň ýygyndysyndaky wezipesini taşlapdy. “Swansi” (2007-2009), “Wigan” (2009-2013) hem-de “Ewerton” (2013-2016) klublaryna tälim beren Martines Belgiýanyň ýygyndysynda ortaça 2,29 utuk gazanypdy. Portugaliýanyň ýygyndysy Katar 2022 Dünýä Kubogynda çärýek finalda Marokkodan asgyn gelipdi. Belgiýanyň ýygyndysyna 2018-nji ýylda Russiýada geçirilen Dünýä Kubogynda bürünç medal gazandyran Martines “Wigan” kluby bilen FA Kubogyny eýeläpdi. Martinesiň näçe ýyllyk şertnama baglaşandygy barada häzirlikçe maglumat berilmedi.