“Real Madrid” ispaniýaly oýunçyny transfer etdi

Angliýanyň “Çelsi” klubunyň ispan goragçysy Mark Kukurelýa öz ýurduna dolandy. 27 ýaşyndaky çep gyraky oýunçy “Real Madridiň” düzümine goşuldy. Golaýda tälimçilige Žoze Mouriniony bellän madridliler Kukurelýanyň transferi üçin londonlylara goşmaçalar bilen 60 million ýewro möçberinde töleg ederler. Kukurelýa ispan topary bilen 6 ýyllyk şertnama baglaşdy. “Çelside” 4 möwsüm oýnan Kukurelýa 163 duşuşykda 9 gol geçirdi. Ol “Çelsiden” öň “Braýtonda” oýnapdy. “Barselonada” futbola başlan Kukurelýa katalonlaryň “B” toparynda 2 möwsüm çykyş etdi. Soňlugy bilen, “Eibar”, “Hetafe” klublarynyň köýnekçesini geýen Kukurelýa Ispaniýanyň milli toparynda-da 24 duşuşykda meýdança çykdy. Ol 2024-nji ýylda Ispaniýanyň Ýewropanyň çempiony bolmagyna saldamly goşant goşdy.