“Real Madrid” täze tälimçisini resmi ýagdaýda mälim etdi

Möwsümi kuboksyz tamamlan “Real Madridiň” tälimçisi resmi ýagdaýda mälim edildi. Ispan kluby italiýaly Karlo Ançelottiniň ornuna Habi Alonsonyň tälimçilige bellenendigini habar berdi. Madridliler 43 ýaşyndaky Habi Alonso bilen 3 ýyllyk, ýagny 2028-nji ýylyň tomsuna çenli ylalaşyk gazandy.

2018-nji ýylda “Real Madridiň” ýaşlar düzümini türgenleşdiren Habi Alonso 2019-2022-nji ýyllar aralygynda “Real Sosiedad B” toparyna tälim berdi. 2022-nji ýylyň oktýabrynda “Baýeriň” tälimçisi bolan Alonso 2023/24 möwsüminde lewerkuzenlilere taryhynda ilkinji gezek çempionlyk gazandyrdy. “Baýeri” ýeňlişsiz çempion eden Alonso bu klubda 140 oýunda 88 ýeňiş gazandy, 33 gezek deňme-deň netije görkezdi (19 ýeňliş).

Alonso futbolçylygy döwründe “Real Sosiedad”, “Eibar”, “Liwerpul”, “Real Madrid” hem-de “Bawariýa” klublarynyň köýnekçesini geýdi. Ol tälimçilik etjek täze klubunda 5 möwsüm çykyş edip, “La Liganyň” hem-de Çempionlar Ligasynyň çempionlygyny gazandy.