Şadyýan tomus – bagtyýar çagalyk

To­mus – tä­sin hem sa­ha­wat­ly pa­syl. Bu pa­syl özü­niň çog­ly Gü­ne­şi bi­len bi­ze be­re­ket­li top­ra­gy­myz­da bi­ten dat­ly mi­we­ler­dir gök önüm­le­ri eçil­ýär. To­mus bag­ty­ýar ça­ga­la­ryň hem özü­ne mah­sus he­zil­lik­le­re bes­len­ýän döw­rü­dir. Okuw ýy­ly­nyň ta­mam­lan­ma­gy bi­len ça­ga­la­ra dynç alyş­la­ryň, tä­ze tä­sir­le­riň, gy­zyk­ly pur­sat­la­ryň ga­py­sy giň­den açyl­ýar. Ça­ga­la­ryň şa­dy­ýan ses­le­ri tom­suň iň owa­dan sa­zy­na meň­zeş. Çün­ki ça­ga­nyň gül­kü­si dün­ýä­niň päk owa­zy­dyr. Ga­raş­syz, he­mi­şe­lik Bi­ta­rap ýur­du­my­zyň be­ze­gi, öm­rü­mi­ziň ma­ny­sy bo­lan bag­ty­ýar ça­ga­la­ry­my­zyň gül­ki ses­le­ri bag­ty­ýar­ly­gyň ny­şa­ny­na öw­rü­lip, ebe­di ýaň­la­nyp du­ran ýur­du­myz ba­ky bag­tyň me­ka­ny­dyr. Yn­ha, öm­rü­mi­ziň gül-gun­ça­sy bo­lan kör­pe­je ne­sil­le­ri­miz üçin he­zil­li­giň, de­ňiz tol­kun­la­ry bi­len ko­wa­la­şyp oý­na­ma­gyň, dur­na­göz çeş­me­le­riň ba­şyn­da, sal­kyn jül­ge­le­riň jüm­mü­şin­de dynç al­ma­gyň döw­ri baş­lan­dy. Ça­ga­la­ryň to­mus­ky dynç alyş möw­sü­mi di­ňe bir Gök­de­re­de ýa-da «Awa­za» mil­li sy­ýa­hat­çy­lyk zo­la­gyn­da däl-de, eý­sem, ýur­du­my­zyň äh­li we­la­ýat­la­ryn­da hem ýo­ka­ry de­re­je­de gu­ral­ýar. Ça­ga­lar to­mus ag­şam­la­ryn­da he­zil edip bi­ri-bi­ri bi­len ýa­ryş gu­rap oý­na­ýar­lar, aras­sa ho­wa­da ge­ze­lenç ed­ýär­ler. Şeý­le­lik­de, olara her gü­ni ýa­kym­ly tä­ze­lik­ler­den do­ly to­mus pas­ly ýat­dan çyk­ma­jak pur­sat­la­ry ba­gyş­la­ýar.
Ça­ga­lar – dün­ýä­mi­ziň, dur­mu­şy­my­zyň be­ze­gi, ýa­şaý­şy­my­zyň öze­ni. Wa­ta­ny­myz­da ça­ga­la­ryň her gü­ni bag­ta bes­len­ýär. Ýur­du­myz­da ýaş nes­liň bag­ty­ýar dur­mu­şy üçin giň müm­kin­çi­lik­ler dö­re­dil­ýär. Ça­ga­la­ryň to­mus­ky dynç alyş­la­ry­ny ýo­ka­ry de­re­je­de ge­çir­mek ug­run­da ça­ga­lar sa­gal­dyş-dynç alyş mer­kez­le­ri, sport meý­dan­ça­la­ry, me­de­ni ojak­lar ýaş nes­liň sag­dyn, bi­lim­li we ru­hu­be­lent bo­lup ýe­tiş­me­gi ug­run­da edil­ýän ala­da­nyň ny­şa­ny­dyr. Eziz Di­ýa­ry­my­zyň äh­li se­bit­le­rin­de dün­ýä de­re­je­si­ne la­ýyk gel­ýän hä­zir­ki za­man se­ýil­gäh­ler, suw-sport top­lum­la­ry ösüp gel­ýän ýaş nes­le hyz­mat ed­ýär. Ça­ga­lar şeý­le aja­ýyp müm­kin­çi­lik­ler­den peý­da­la­nyp, döw­re­bap dynç al­ýar­lar. Ýaş ne­sil­ler ýur­du­my­zyň gö­zel kün­jek­le­rin­de ýer­leş­ýän ça­ga­lar dynç alyş we sa­gal­dyş mer­kez­le­rin­de öz deň-duş­la­ry bi­len wagt­la­ry­ny hoş ge­çir­ýär­ler. Ça­ga­lar ha­kyn­da­ky ala­da türk­men hal­ky­nyň ga­dym­dan gel­ýän asyl­ly ýol-ýö­rel­ge­si­dir. Şeý­le asyl­ly ýö­rel­gä esas­la­nyp, hä­zir­ki wagt­da ola­ryň sag­dyn ös­mek­le­ri­ne, wagt­la­ry­ny peý­da­ly ge­çir­mek­le­ri­ne üns be­ril­ýär. Ça­ga­lar dynç alyş we sa­gal­dyş mer­kez­le­rin­dä­ki dynç al­ýan ça­ga­la­ryň sag­dyn dur­muş ýö­rel­ge­si­ne eýe­rip, sport bi­len meş­gul­lan­mak­la­ry, sag­lyk­la­ry­ny ber­kit­mek­le­ri üçin äh­li amat­ly şert­ler dö­re­di­len. Dynç al­ýan ça­ga­la­ryň ara­syn­da dür­li gör­nüş­li sport ýa­ryş­la­ry, dö­re­di­ji­lik we ze­hin bäs­le­şik­le­ri yzy­gi­der­li ge­çi­ril­ýär. Ça­ga­lar her bir oýun­da öz­le­ri­niň ba­şar­nyk­la­ry­ny gör­kez­ýär­ler.
«Ga­raş­syz, ba­ky Bi­ta­rap Türk­me­nis­tan – be­dew bat­ly at-my­ra­dyň me­ka­ny» ýy­ly­nyň to­mus pas­ly­nyň ýe­tip gel­me­gi bi­len, ýur­du­my­zyň ça­ga­lar dynç alyş we sa­gal­dyş mer­kez­le­rin­de ça­ga­la­ryň to­mus­ky dynç alyş möw­sü­mi uly şat­lyk-şow­hu­na bes­le­nip do­wam ed­ýär. Möw­sü­miň do­wa­myn­da ýaş ne­sil­le­ri hü­när­le­re ug­ruk­dyr­mak we dur­mu­şa taý­ýar­la­mak mak­sa­dy bi­len, hü­när hem-de aý­dym-saz gur­nak­la­ry he­re­ket ed­ýär. Ça­ga­la­ryň da­şa­ry ýurt dil­le­ri, komp­ýu­ter so­wat­ly­ly­gy bo­ýun­ça bi­lim­le­ri­ni art­dyr­mak, ýa­zy­jy-şa­hyr­lar, us­sat me­de­ni­ýet we sun­gat iş­gär­le­ri bi­len du­şu­şyk­la­ry, döw­re­bap kär­ha­na­la­ra, te­bi­ga­ty­my­zyň gö­zel ýer­le­ri­ne, mu­zeý­le­re, ta­ry­hy-me­de­ni ýa­dy­gär­lik­le­re ge­ze­lenç­le­ri­ni gu­ra­mak iş­le­ri hem al­nyp ba­ryl­ýar. Ça­ga­lar dynç alyş we sa­gal­dyş mer­kez­le­rin­de dynç al­mak ar­ka­ly tä­ze deň-duş og­lan-gyz­lar bi­len ta­nyş­ýar­lar, dost­laş­ýar­lar, okuw sa­pak­la­ryn­dan öw­re­nen hem bil­ýän zat­la­ry­ny paý­la­şyp, dün­ýä­ga­ra­ýyş­la­ry­ny gi­ňeld­ýär­ler. Şeý­le-de pe­der­le­ri­mi­ziň ün­deý­şi ýa­ly, ça­ga­la­ra ki­çi­li­gin­den zäh­met ter­bi­ýe­si hem be­ril­ýär. Türk­men te­bi­ga­ty­nyň gaý­ta­lan­ma­jak gö­zel kün­je­gin­de dynç al­maklary ýaş nes­liň te­bi­gat we daş­ky gur­şaw bi­len ut­ga­şyk­ly ösüp-ulal­ma­gy üçin mö­hüm şert bo­lup dur­ýar.
«Ar­zuw­la­ryň ha­syl bol­ýan me­ka­ny» di­ýip at alan Türk­me­nis­tan Wa­ta­ny­myz­da ýaş nes­liň wag­ty­ny ma­ny­ly ge­çir­me­gi üçin uly ala­da edil­ýär. Ça­ga­lar ha­kyn­da ata­lyk ala­da­sy­ny ed­ýän Gahryman Arkadagymyza, ýaş ne­sil­ler üçin şeý­le uly müm­kin­çi­lik­le­ri dö­red­ýän Ar­ka­dag­ly
Gah­ry­man Ser­da­ry­my­za tüýs ýü­rek­den al­kyş aýd­ýa­rys.

Oguljennet MOMODOWA,
Aşgabat şäherindäki 103-nji çagalar bakja-bagynyň müdiri.