ABŞ-nyň Pensilwaniýa ştatynyň Panksatoni şäherçesinde geçirilen çärede “halk meteorology” hasaplanýan fil surogy şu ýyl baharyň giç geljekdigini çaklady. Müňlerçe jahankeşdäniň we ýerli ýaşaýjynyň gatnaşmagynda “Surok klubynyň” wekilleri bäş kilogram agramly gemrijini süreninden çykaryp, onuň hereketlerini synladylar. Öňden gelýän yryma görä, eger-de jandar öz kölegesinden gorkup, bukulsa, onda gyş ýene-de 6 hepde dowam eder. Eger-de jandar öz kölegesine üns bermese, onda ir geljek bahara garaşybermeli. Bu däp arkaly gemrijiniň hereketine seredip, baharyň näwagt geljekdigi kesgitlenýär. Maglumatlara görä, soňky 10 ýyllyklarda filiň çaklamalary 40 göterim halatlarda amala aşypdyr. ABŞ-da surok güni 2-nji fewralda bellenip geçilýär.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА