Dünýä ýurtlarynyň ortaça IQ derejesiniň ýyllyk sanawy hödürlendi. Bu maglumatlar geçen ýylyň dowamynda aň koeffisiýenti babatda halkara synaglaryndan geçen 1 million 393 müň 66 adamyň maglumatlaryna esaslanýar.
Hödürlenýän sanawda maglumatlary elýeterli bolan 127 ýurt görkezildi. Mälim bolşy ýaly, ortaça global IQ görkezijisi 100-e deň.
Ylmy barlaglara laýyklykda, ortaçadan ýokary aň derejesini, aýratyn hem, Gündogar Aziýa ýurtlary görkezdi. Olar sanawyň ilkinji onlugynda öňdeligi eýeleýärler. Ortaça golaý netijeler Ýewropada, Günbatar Aziýada, Okeaniýada, Demirgazyk Amerikada we Demirgazyk Afrikada bellige alyndy.
Sanawda Merkezi we Günorta Afrikada, şeýle-de Latyn Amerikasynda ortaça görkezijiler global derejeden pes boldy.
Iň ýokary IQ derejesi bolan ýurtlaryň ilkinji onlugy: Hytaý – 107,43, Eýran – 106,63, Günorta Koreýa – 106,57, Ýaponiýa – 106,54, Singapur – 105,25, Russiýa – 103,31, Mongoliýa – 103,13, Awstraliýa – 102,67, Ermenistan – 102,64, Ispaniýa – 102,37.
Sanawyň soňky üç ornuny Benin (87,11), Angola (86,14) we Gabon (85,56) ýaly Afrika ýurtlary eýeleýär.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА