Kolumbiýaly ýyldyz futbolçy Hames Rodriges Meksikanyň “Leon” klubunyň düzümine goşuldy. 33 ýaşyndaky ýarymgoragçy geçen awgust aýynda Ispaniýanyň çempionaty “La Liganyň” “Raýo Wallekano” toparyna geçipdi. Ol bu klubda 6 duşuşykda meýdança çykyp, şolaryň hiç birinde-de netijä täsir edýän statistika gazanyp bilmedi. Rodgriges Meksikanyň 8 gezek çempiony “Leon” bilen şu ýylyň ahyryna çenli şertnama baglaşyp, klub onuň transfer bolandygyny özboluşly wideo-rolik bilen habar berdi. “Leon” topary şu tomusda ABŞ-da geçiriljek Klublar Dünýä Kubogynda çykyş eder. Bu topar “D” toparçada “Çelsi”, “Flamengo” hem-de “Esperans” toparlary bilen duşuşar.

“Leon” topary Hames Rodrigesiň karýerasyndaky 12-nji kluby bolup, ol “Enwigado”, “Banfild”, “Porto”, “Monako”, “Real Madrid”, “Bawariýa”, “Ewerton”, “Al Raýýan”, “Olimpiakos”, “Sau Paulu” hem-de “Raýo Wallekano” toparlarynda oýnapdy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА