Gyr­gyz Res­pub­li­ka­synyň Ga­raş­syz­ly­gy­nyň 33 ýyl­ly­gy­ 31-nji aw­gust­da uludan bel­le­nildi. 16-njy sentýabrda Gyr­gy­zys­ta­nyň Türk­me­nis­tan­da­ky il­çi­ha­na­synda bu şanly senä bagyşlanyp bri­fing­ gu­ra­ldy. Oňa kä­bir il­çi­ha­na­la­ryň wekilleri, žur­na­list­ler we myhmanlar gat­naş­dy­lar.

Üs­tü­miz­dä­ki ýyl­da Gyr­gyz Res­pub­li­ka­syn­da baş baý­ram bi­len bir­lik­de, Ga­ragyr­gyz aw­to­nom oblasty­nyň esas­lan­dy­ryl­ma­gy­nyň 100, Da­şa­ry iş­ler mi­nistr­li­gi­niň dö­re­dil­me­gi­niň hem 80 ýyl­ly­gy baý­ram edil­ýär. Bri­fing­de bu wa­ka­la­ryň äh­mi­ýe­ti­ne üns çe­kil­di.

Bri­fin­giň do­wa­myn­da Gyr­gyz Res­pub­li­ka­sy­nyň Türk­me­nis­tan­da­ky Adat­dan da­şa­ry we Do­ly yg­ty­ýar­ly il­çi­si Aziz­bek Mad­ma­row çy­kyş edip, ýur­tda soň­ky üç ýyl­da­ky yk­dy­sa­dy ösüş dep­gi­ni, ama­la aşy­ryl­ýan dur­muş-yk­dy­sa­dy, de­mok­ra­tik öz­gert­me­ler, ga­za­ny­lan üs­tün­lik­ler ba­ra­da gi­ňiş­le­ýin gür­rüň ber­di.

Dip­lo­ma­tyň aýt­ma­gy­na gö­rä, soň­ky ýyl­lar­da ýur­duň yk­dy­sa­dy­ýe­tin­de dur­nuk­ly ösüş sak­la­nyp, je­mi içer­ki önü­miň or­ta­ça ösüş dep­gi­ni 7 gö­te­ri­me deň bol­dy we äh­li pu­dak­lar­da ýo­ka­ry ne­ti­je­ler ga­za­nyl­dy. 2023-nji ýyl­da je­mi içer­ki önüm ba­bat­da ta­ry­hy sep­gi­de ýe­til­di. Şon­da onuň möç­be­ri 1 tril­li­on 229 mil­li­on so­ma (tak­my­nan, 14 mil­liard ame­ri­kan dol­la­ry) ba­ra­bar bo­lup, mu­nuň özi ge­çen ýyl­lar­da­ky­dan gör­ne­tin ýo­ka­ry gör­ke­zi­ji­dir.

Ilçi Madmarow öz çykyşynda, 10-11-nji sentýabrda Aşgabatda geçirilen maýa goýum forumynyň çäginde gyrgyz-türkmen hyzmatdaşlygynyň söwda, energetika, senagat, maýa goýum, ulag we beýleki ugurlardaky özara gatnaşyklaryny öz içine alýan köp sanly meseläni ara alyp maslahatlaşdy diýip belledi.

Diplomatyň sözlerine görä, forumda bilelikdäki taslamalary durmuşa geçirmek maksady bilen Türkmenistan bilen Gyrgyzystan bilelikdäki maýa goýum ösüş gaznasyny döretmek, Türkmenistan işewürlik merkezini we Gyrgyzystanda şypahana we dynç alyş desgasyny gurmak boýunça taslamany durmuşa geçirmek boýunça, ulag, üstaşyr we wiza töleglerini birleşdirmek, eksport, import we üstaşyr amallary ýönekeýleşdirmek, ýük üçin wiza almak üçin degişli ministrlikleriň we bölümleriň gatnaşmagynda birnäçe onlaýn ýygnak geçirmek barada ylalaşdylar.

Bri­fin­giň ahy­ryn­da Gyr­gy­zys­ta­nyň se­bit­le­rin­de ama­la aşy­ryl­ýan dür­li mak­sat­ly tas­la­ma­lar bi­len ta­nyş­dyr­ýan gys­ga­ça wi­deoşekiller gör­ke­zil­di. Soň­ra dip­lo­mat žur­na­list­le­ri gy­zyk­lan­dyr­ýan so­wal­la­ra jo­gap ber­di.

Gyzykly bolup bilerЕЩЕ ОТ АВТОРА