Italiýanyň çempionatynda sanawyň lideri “Atalanta” myhmançylykda “Kaliariden” Zaniolonyň 66-njy minutdaky goly bilen 1-0 hasabynda üstün çykyp, bassyr 11-nji ýeňşini baýram etdi. “Napoli” hem myhmançylykda “Udineze” bilen duşuşyp, ýer eýeleriniň öňe geçendigine garamazdan, Lukaku, Janetti (ö.d.) hem-de Zambo-Angissanyň gollary esasynda 3-1 hasabynda ýeňiş gazandy.

Öz meýdançasynda “Wenesiýany” kabul eden “Ýuwentus” ýene bir ýola 90-njy minutdan soň ýeňlişden halas boldy. 2-2 hasabynda tamamlanan bu duşuşyk “Ýuwentusyň” çempionatda 16-njy duşuşygyndaky 10-njy deňme-deňligidir.

 

Esaslandyrylanyna 125 ýyl dolan “Milan” öz meýdançasynda “Jenoa” bilen golsuz deňme-deň oýnap, ýubileý gününi sowgatly garşy alyp bilmedi. “Bolonýa” öz meýdançasynda “Fiorentinany” Odgoryň 59-njy minutdaky ýeke-täk goly bilen ýeňip, garşydaşynyň 8 oýundan bäri dowam edýän ýeňişli seriýasyna soňky nokady goýdy. Paýtagtyň “Romasy” myhmançylykda “Komodan” 90-njy minutdan soň geçirden 2 goly esasynda utuldy. Çempionatyň 16-njy tapgyry şu gijeki “Lasio” – “Inter” duşuşygy bilen tamamlandy.

Empoli – Torino: 0–1 (Adams 70),

Kaliari – Atalanta: 0–1 (Zaniolo 66),

Udineze – Napoli: 1–3 (Towen 22 – Lukaku 50, Janetti 76 ö.d., Zambo-Angissa 81),

Ýuwentus – Wenesiýa: 2–2 (Gatti 19, Wlahowiç 90+5 p – Ellertsson 61, Idzes 83),

Leççe – Monza: 2–1 (Morente 3, Krstowiç 44 – Dorgu 37 ö.d.),

Bolonýa – Fiorentina: 1–0 (Odgor 59),

Parma – Werona: 2–3 (Zom 19, 90 – Koppola 5, Sarr 57, Moskera 75),

Komo – Roma: 2–0 (Gabrielloni 90+3, Pas 90+7),

Milan – Jenoa: 0–0,

Lasio – Inter (00:45)

Gyzykly bolup bilerЕЩЕ ОТ АВТОРА