Şweý­sa­ri­ýa­da uzyn­ly­gy 15,4 km bo­lan Çe­ner de­mir ýol tun­ne­li açy­lyp ulan­ma­ga be­ril­di. Onuň işe gi­ri­zil­me­gi bi­len ba­ha­sy 22 mil­liard frank­dan gow­rak (24 mil­liard dol­lar­dan gow­rak) «Alp dag­la­ry ar­ka­ly tä­ze de­mir ýol ugur­la­ry» (NE­AT) at­ly iri tas­la­ma­nyň gur­lu­şy­gy ta­mam­lan­dy. Mun­dan ozal, bu tas­la­ma­nyň çäk­le­rin­de Lýoç­berg tun­ne­li (2007) we Sen-Go­tard tun­ne­li (2016) gur­lup ulan­ma­ga ber­lip­dir.
Şeý­le­lik­de, ýur­duň Daş­ky gur­şaw, ulag, ener­gi­ýa we ara­gat­na­şyk mi­nistr­li­gi 1992-nji ýyl­da tas­syk­la­nan NE­AT tas­la­ma­sy­nyň ta­mam­la­nan­dy­gy­ny ha­bar ber­di. Bu tun­nel ot­lu­la­ryň has ýo­ka­ry tiz­lik­de he­re­ket et­me­gi­ne, şeý­le-de, agyr ýük ot­lu­la­ry­ny hem ulan­ma­ga müm­kin­çi­lik be­rer. Bu tun­ne­liň Rot­ter­da­my (Ni­der­land­lar) Ge­nu­ýa (Ita­li­ýa) bi­len bi­rik­dir­ýän Ýew­ro­pa­nyň iri ýük ulag ge­çel­ge­si­niň esa­sy ug­ry bo­lan­dy­gy nyg­tal­ýar.
Daş­ky gur­şa­wa oňyn tä­sir et­jek tun­nel aw­tou­lag ýol­la­ry­na ga­ra­nyň­da, has köp ha­ryt da­şa­ma­ga müm­kin­çi­lik be­rer. Aw­tou­lag ar­ka­ly ýük da­şal­ma­gy­ny kem-kem­den de­mir­ýol ulag­la­ry­na ge­çir­mek me­se­le­si Şweý­sa­ri­ýa­nyň döw­let mak­sat­na­ma­la­ryn­da göz öňün­de tu­tu­lan­dyr. Ne­ti­je­de, Lu­ga­no bi­len Bel­lin­so­na şä­her­le­ri­niň ara­syn­da­ky wagt 27 mi­nut­dan 19 mi­nu­ta, Lu­ga­no bi­len Lo­kar­no­nyň ara­syn­da­ky wagt bol­sa, 50 mi­nut­dan 29 mi­nu­ta çen­li azal­ýar.
Gur­lu­şy­gy 12 ýyl do­wam eden we 3,6 mil­liard şweýsar fran­ky sarp edi­len tun­nel ar­ka­ly ýyl­da 170 ýük we 180 ýo­lag­çy ot­lu­sy­nyň gat­na­jak­dy­gy çak edil­ýär. Je­mi NE­AT tas­la­ma­sy­na 22,8 mil­liard frank ma­ýa go­ýul­dy. Şol bir wag­tyň özün­de 57 ki­lo­metr­lik Sen-Go­tard tun­ne­li­niň gur­lu­şy­gy­na 12 mil­liard­dan gow­rak frank sarp edi­lip­di.

Gyzykly bolup bilerЕЩЕ ОТ АВТОРА